Мілавіца (альманах)

«Мілаві́ца» — машынапісны літаратурны альманах, выдаваўся студэнтамі 3-га курсу гістарычнага факультэту БДУ ў 1974—1976 гг.

Усяго выйшла 7 нумароў. У склад рэдакцыі ўваходзілі Ўладзімер Арлоў, Генадзь Кулажанка, Ігар Чарняўскі, Юрась Бандаровіч, Эдвард Зайкоўскі і інш. Да гэтага гэтыя студэнты выдавалі часопіс «Блакітны ліхтар». Альманах распаўсюджваўся сярод студэнтаў. Хутка пра выданьне стала вядома кіраўніцтву ўнівэрсытэту, а потым і КДБ. Уладзімера Арлова выклікалі ў КДБ дзеля «тлумачальных гутарак».

Літаратура

• Дэмакратычная апазыцыя Беларусі (1956—1991). Даведнік, slounik.org