Мікалай Зайчанка

	Мікалай Зайчанка
Міністар эканомікі Рэспублікі Беларусь
	24 сьнежня 2003 — 4 сьнежня 2009
Прэзыдэнт:	Аляксандар Лукашэнка
Прэм’ер-міністар:	Сяргей Сідорскі
Папярэднік:	Андрэй Кабякоў
Наступнік:	Мікалай Снапкоў
Асабістыя зьвесткі
Нарадзіўся:	1948; г. п. Градзекава, Прыморскі край
Адукацыя:	Машынабудаўнічы факультэт БНТУ[d] (1970);
	Мікалай Зайчанка ў Вікісховішчы

Вікіпэдыя мае артыкулы пра іншых асобаў з прозьвішчам Зайчанка.

Мікалай Зайчанка (нарадзіўся ў 1948 годзе) — беларускі дзяржаўны дзяяч, міністар эканомікі Рэспублікі Беларусь (24 сьнежня 2003 — 4 сьнежня 2009).

Біяграфія

Нарадзіўся ў 1948 годзе ў г. п. Градзекава Прыморскага краю (Расея). Скончыў у 1971 годзе Беларускі політэхнічны інстытут. Па спэцыяльнасьці інжынэр-эканаміст. Кандыдат эканамічных навук.

Працаваў інжынэрам, старэйшым інжынэрам Інстытуту праблем надзейнасьці і даўгавечнасьці машын АН БССР, старэйшым эканамістам, малодшым навуковым супрацоўнікам Інстытута эканомікі АН БССР. Быў асьпірантам гэтага інстытуту.

У 1981—1994 гадах — старэйшы навуковы супрацоўнік, загадчык сэктара мэтадалёгіі і мэтадаў фармаваньня і рэалізацыі мэтавых комплексных праграм навукова-дасьледчага эканамічнага інстытуту (НДЭІ) Дзяржпляна БССР, намесьнікам дырэктара па навуковай працы НДЭІ Дзяржэканомпляна БССР. У 1994—1996 гадах — намесьнік дырэктара па навуковай працы НДЭІ Міністэрства эканомікі Рэспублікі Беларусь. У 1996—1997 гадах — намесьнік міністра эканомікі Рэспублікі Беларусь. У 1997—2003 гадах — першым намесьнік міністра эканомікі Рэспублікі Беларусь.

24 сьнежня 2003 году — 4 сьнежня 2009 году^[1] — міністар эканомікі Рэспублікі Беларусь.

Узнагароды

Узнагароджаны Ганаровай граматай Савету міністраў Рэспублікі Беларусь. Узнагароджаны мэдалём «За працоўныя заслугі» (2006)^[2].

Цытата году

У 2008 годзе аналітычны цэнтар «Стратэгія» прызнаў «Цытатай году» лютаўскае выказваньне міністра эканомікі Мікалая Зайчанка:

«Мы павінны разглядаць нашу эканоміку такой, якая яна ёсьць, і рэфармаваць яе так, як яна можа быць зьмененая, і паступова рабіць яе такой, якой яна павінна быць».

Крыніцы

Вонкавыя спасылкі

Старонка на праекце «Хто ёсьць хто ў РБ»(недаступная спасылка) (рас.)
Указ прэзыдэнта Рэспублікі Беларусь № 290 «Аб назначэньні членаў Ураду Рэспублікі Беларусь»

[1] Президент Республики Беларусь рассмотрел ряд кадровых вопросов, 4.12.2009, pravo.by(недаступная спасылка) (рас.)

[2] Указ Прэзідэнта Рэспублікі Беларусь з 1 сакавіка 2006 г. № 136 Аб узнагароджанні работнікаў, якія ўнеслі найбольш значны ўклад у сацыяльна-эканамічнае развіццё рэспублікі ў 2001—2005 гадах, дзяржаўнымі ўзнагародамі Рэспублікі Беларусь, 1/7323

[1]

[2]