Менскі тафсір
Менскі тафсір — манускрыпт літоўскіх татараў 1686 року, які зьмяшчае тэкст Карану зь перакладам на польскую мову. Першы пераклад Карану на польскую мову і трэці — на эўрапейскую.
Першыя суры запісаныя па-турэцку, а зь дзевятнаццатай суры тэкст пададзены па-польску з выкарыстаньнем арабскага альфабэту.
Назва тафсір звычайна азначае камэнтар да Карану, але ў дадзеным выпадку аўтары дакумэнту ўжылі такую назву, паколькі іслам забараняе пераклады Карану.