Малінаўка (мікрараён)

Малінаўка — адзін зь мікрараёнаў Менску, адміністрацыйна належыць да Маскоўскага раёну.

Краявід Малінаўкі

Разьмяшчэньне

рэдагаваць

Знаходзіцца ў паўднёва-заходняй частцы Менску. З поўдня ён абмежаваны МКАД, з усходу — праспэктам Дзяржынскага, з поўначы мяжуе зь мікрараёнам Паўднёвы Захад.

Асноўныя вуліцы

рэдагаваць

Ясеніна, Слабадзкая, Касманаўтаў, Громава, Рафіева, Любімава.

Насельніцтва

рэдагаваць

Складае каля 105 тыс. чалавек.

Гісторыя

рэдагаваць

Пачаў забудоўвацца напачатку 1980-х гадоў (Малінаўка-1). У канцы 1980-х пабудавана Малінаўка-2, 3. Крыху пазьней пачалося будаўніцтва Малінаўкі-4 і 5. Напачатку 1990-х пабудавана Малінаўка-8 , а ў сярэдзіне 90-х Малінаўка-6, 7. У канцы 1990-х пабудавана вялікая частка Малінаўкі-9. Будаўніцтва ў гэтым раёне працягваецца. У наш час будаўніцтва вядзецца па цотным боку вуліцы Ясеніна ад вуліцы Касманаўтаў да вуліцы Громава.

15 ліпеня 1997 году Нацыянальная акадэмія навук Беларусі заснавала прадпрыемства «БелІКО» па вуліцы Рафіева, д. 94.

Забудова прадстаўлена галоўным чынам 9- і 12-ці павярховымі дамамі. Прысутнічаюць будынкі па 14, 16 і 19 паверхаў.

Транспарт

рэдагаваць

Грамадзкі транспарт прадстаўлены аўтобуснымі й тралейбуснымі маршрутамі. Аўтобусныя маршруты злучаюць мікрараён з д/с «Дружная», а таксама зь мікрараёнамі Брылевічы, Паўднёвы Захад і Сухарава. Кантактная сетка тралейбусаў пракладзена ўздоўж вуліцы Ясеніна. На тэрыторыі мікрараёна разьмешчаны канцавая станцыя аўтобусаў Малінаўка-8 і дыспэтчарская станцыя Малінаўка-4.

У рамках работ па будаўніцтву пятай чаргі Маскоўскай лініі Менскага мэтрапалітэну ў другой палове 2010 году пачалося будаўніцтва станцыі мэтро «Малінаўка»[1].

Станцыя мэтро «Малінаўка» будзе разьмешчана на скрыжаваньні праспэкту Дзяржынскага й вуліцы Ясеніна, побач зь мікрараёнамі Малінаўка й Брылевічы ў Маскоўскім раёне.

Інфраструктура

рэдагаваць

У мікрараёне працуе 10 школ, 4 гімназіі , 26 дзіцячых дашкольных устаноў. У сфэры аховы здароўя дзейнічае 25-я цэнтральная раённая паліклініка й 8-я дзіцячая паліклініка. 5-я шматпрофільная паліклініка ў мікрараёне Малінаўка-8 была адкрыта 14 студзеня 2010 году[2].

Мікрараён добра забясьпечаны аб’ектамі гандлю: працуюць гіпэрмаркет «ProStore», рэчавы рынак «MAXIMUS», рынак будаўнічых матэрыялаў, аўтамабільны рынак «Малінаўка», а таксама шэраг унівэрмагаў і крам.