Максім Салаш
Максім Салаш (нар. 6 траўня 1996 г.) — беларускі баскетбаліст. Выступае за нацыянальную зборную Беларусі і беларускі клюб «Цмокі-Менск». Амплюа — форвард.
| Максім Салаш | ||
| «Цмокі-Менск» — №7 | ||
| Форвард | ||
| Рост: | 206 см | |
| Грамадзянства: | Беларусь | |
| Дата нараджэньня: | 6 траўня 1996 (27 гадоў) Беларусь | |
| Клюбная кар’ера | ||
| ||
| Асабістыя ўзнагароды і дасягненьні | ||
| Мэдалі | ||
.svg){kind=small}
Жыцьцяпіс рэдагаваць
Пачаў прафэсійную кар’еру ў 16 гадоў: ён дэбютаваў за «Цмокі-2» у чэмпіянаце Беларусі ў сэзоне 2012/13 і ў 7 матчах набіраў у сярэднім 2.3 ачка і 2.4 падбора. У тым жа сэзоне форвард перайшоў у гішпанскую «Кахасоль», дзе адыграў да канца чэмпіянату 2013/14.
Улетку 2014-га Салаш перайшоў у клюб «Уэска», што выступаў у другім дывізіёне Гішпаніі. Там беларус правёў 28 матчаў, набіраючы 7 ачкоў і 4.1 падбора ў сярэднім.
У 2015-м годзе малады форвард працягнуў кар’еру ў «Арэнсэ», які таксама змагаўся ў другой па сіле лізе Гішпаніі. Там адыграў 35 матчаў, выходзячы ў стартавым складзе і дапамагаючы камандзе 6.1 ачка і 4.4 падбора пры 48% рэалізацыі з гульні.
Пасьля трох сэзонаў у Гішпаніі пераехаў у Польшчу, дзе за «Кутна» правёў 22 сустрэчы ў чэмпіянаце Польшчы. У актыве форварда — 4.5 ачка і 3.2 падбора ў сярэднім за 14 хвілін на пляцоўцы.
У сэзоне 2017/18 Максім Гуляў за Цмокі-Менск, правёў 24 матчы ў чэмпіянаце Адзінай Лігі ВТБ, набіраючы ў сярэднім 4.5 ачка і зьдзяйсьняючы 3.2 падборы пры 14 хвілінах на паркеце. У Кубку ФІБА-Эўропа форвард правёў 14 гульняў зь сярэдняй статыстыкай 5 ачкоў і 2.0 падборы за 14.6 хвілін.
У 2018/2019 прыняў прапанову эстонскага «Калева»[1].
Максім Салаш актыўна прыцягваўся ў моладзевыя зборныя Беларусі, а ўлетку 2016-га быў выкліканы на збор нацыянальнай каманды і ўзяў удзел у кваліфікацыі Эўрабаскету-2017. Згуляў супраць Баўгарыі і Партугаліі ў прэ-кваліфікацыі чэмпіянату сьвету-2019, набіраючы па 2.5 ачка за матч[2].
Дасягненьні рэдагаваць
- Гулец нацыянальнай каманды Беларусі ў сэзоне 2017.
- Чэмпіён Беларусі ў 2018 годзе
Крыніцы рэдагаваць
- ^ Беларускі форвард папоўніць склад эстонскай каманды, Сайт Цмокі-Менск
- ^ Вітаем 21-гадовага беларуса ў складзе нашай мужчынскай каманды!, Сайт Цмокі-Менск