Майстар і Маргарыта (тэлесэрыял)

Майстар і Маргарыта (па-расейску: Мастер и Маргарита) — расейскі тэлесэрыял паводле аднайменнага раману Міхаіла Булгакава рэжысэра Ўладзімера Бартко. Складаецца зь 10 сэрыяў ад 44 да 53 хвілінаў. Дэвіз сэрыялу — «Рукапісы не гараць!» Прэм’ера адбылася 18 сьнежня 2005 году на ўкраінскім канале «Інтэр» і 19 сьнежня 2005 году на расейскім канале «Расея».

Майстар і Маргарыта
Мастер и Маргарита
Жанр сатыра, фантастыка, драма, містыка
Рэжысэр Уладзімер Бартко
Прадусар Валеры Тадароўскі
Антон Златапольскі
Сцэнарыст Уладзімер Бартко
У ролях Алег Басілашвілі
Ганна Кавальчук
Аляксандар Галібін
Уладзіслаў Галкін
Аляксандар Адабаш’ян
Кірыл Лаўроў
Аляксандар Абдулаў
Аляксандар Башыраў
Сяргей Бязрукаў
Аляксандар Філіпенка
Таня Ю
Сямён Стругачоў
Валянцін Гафт
Васіль Ліванаў
Раман Карцаў
Валеры Залатухін
Іван Краско
Дзьмітры Нагіеў
Ільля Алейнікаў
Жана Обухава
Аляксандар Панкратаў-Чорны
Валянцін Сьмірніцкі
Кампазытар Ігар Карнялюк
Апэратар Валеры Мюльгаўт
Мантаж Леда Сямёнава
Вытворчасьць Россия-1
Дата выхаду 2005
Краіна Расея
Мова расейская мова
Старонка на IMDb
Афіцыйны сайт

СюжэтРэдагаваць

У Маскве 1935 году зьяўляецца Волянд, сам сатана зь сьвітай. Волянда цікавяць новыя людзі ва ўмовах грамадзтва, якое ствараецца незалежна ад рэлігійнай сьвядомасьці. Ён сустракае на Патрыяршых сажалках літаратара, старшыню праўленьня МАССАЛІТу Міхаіла Берліёза і паэта Івана Бяздомнага, якія гутарылі аб няўдалай спробе паэта паказаць Ісуса.

Калі паэт — напорысты і энэргічны, але неадукаваны і даволі наіўны малады чалавек, то Берліёз — інтэлектуал, які карыстаецца сваёй эрудыцыяй дзеля атэістычнай прапаганды ў краіне. Учынкі Волянда і ягоныя аповеды хвалююць і цікавяць літаратараў, але яны не ўспрымаюць ягоныя словы ўсур’ёз. Волянд, у прыватнасьці, паведамляе Берліёзу якім чынам той сканае («Вам адрэжуць галаву!»). Таксама ён сьцьвярджае, што Ісус сапраўды існаваў, і ў якасьці доказу расказвае ім гісторыю сустрэчы пятага пракуратара Юдэі Понтыюся Пілята з абарваным бадзяжным філёзафам Ешуа Га-Ноцры.

Аднак слухачы, нягледзячы на зьдзіўленьне акалічнасьцямі аповеду, ня вераць словам Волянда і прымаюць яго за ненармальнага. Пасьля гэтае сустрэчы Берліёз трапляе пад трамвай (які і адразае яму галаву), а Бяздомны — у клініку для душэўнахворых.

Жадаючы паглядзець на новых людзей, Волянд выпраўляецца ў тэатар Вар’етэ. Ён робіць выснову, што «…яны як і былыя, толькі "кватэрнае пытаньне" іх сапсавала».

Людзьмі новага грамадзтва зьяўляюцца і Майстар і Маргарыта. Майстру 38 гадоў, ён валодае пяцю мовамі і напісаў раман пра Понтыюса Пілята — таго самага, які зацьвердзіў прысуд Ешуа і пра якога Волянд расказваў літаратарам на Патрыяршых.

Вонкавыя спасылкіРэдагаваць