Люкас Мэртэнс (плывец)
Лю́кас Мэ́ртэнс (па-нямецку: Lukas Märtens; 27 сьнежня 2001 году) — нямецкі плывец, алімпійскі чэмпіён на дыстанцыі 400 мэтраў вольным стылем.
| Люкас Мэртэнс | |
| Пэрсанальная інфармацыя | |
|---|---|
| Нарадзіўся | 27 сьнежня 2001[1] (22 гады) |
| Грамадзянства | |
| Прафэсійная інфармацыя | |
| Спэцыялізацыя | плывец |
Біяграфія
рэдагавацьСпартовец браў удзел у моладзевых міжнародных спаборніцтвах у 2018 і 2019 гадах. Падчас чэмпіянату сьвету ў Бэрліне ў 2019 годзе дакрочыў да фіналу ў плаваньні вольным стылем на дыстанцыі 200 і 1500 мэтраў, а таксама ў плаваньні на сьпіне на дыстанцыі 200 мэтраў.
На летніх Алімпійскіх гульнях 2020 году, якія ладзіліся ў Токіё ў 2021 годзе, Мэртэнс кваліфікаваўся ў фінал эстафэты на дыстанцыі 4×200 мэтраў вольным стылем, дзе поруч з партнэрамі па камандзе быў сёмым. Таксама на гульнях браў удзел у заплывах у розных дысцыплінах. На чэмпіянаце Эўропы 2022 году ў Рыме быў найлепшым на дыстанцыі 400 мэтраў вольным стылем ды ўзяў срэбраны мэдаль на дыстанцыі 800 мэтраў тым жа вольным стылем. У наступным годзе на сусьветным першынстве быў трэцім на дыстанцыі 400 мэтраў вольным стылем[2]. Праз год тое ж самае плывец паўтарыў на чэмпіянаце сьвету ў Досе[3].
Мэртэнс здабыў залаты мэдаль на дыстанцыі 400 мэтраў вольным стылем на летніх Алімпійскіх гульнях 2024 году ў Парыжы[4]. На дыстанцыі 200 мэтраў вольным стылем ў фінале ён быў толькі пятым[5]. У пачатку верасьня 2024 году Мэртэнс увайшоў у Залатую кнігу Магдэбургу. Таксама ў ягоны гонар была ўсталяваная асабістая дошка на магдэбурскай «Алеі спартовай славы»[6].
Крыніцы
рэдагаваць- ^ а б https://www.teamdeutschland.de/athleten/details/lukas-maertens
- ^ «Schwimm-WM in Fukuoka: Lukas Märtens mit Bronze über 400 m Freistil». Sportschau.de.
- ^ «Schwimmen: Gose und Märtens holen WM-Bronze». ZDF.
- ^ «Olympia 2024: Lukas Märtens erster deutscher Olympiasieger in Paris». Sportschau.de.
- ^ «Olympia 2024: Schwimm-Olympiasieger Märtens Fünfter über 200 Meter Freistil». MDR.
- ^ «Lukas Märtens auf „Sports Walk of Fame“ verewigt». Landeshauptstadt Magdeburg.
Вонкавыя спасылкі
рэдагаваць- Профіль на сайце Міжнароднай фэдэрацыі плаваньня.