Люблянскі ўнівэрсытэт

унівэрсытэт у Славеніі

Любля́нскі ўнівэрсытэ́т (па-славенску: Univerza v Ljubljani) — найстарэйшы і найвялікшы ўнівэрсытэт Славеніі. Паводле зьвесткаў у ім навучаецца каля 39 тысячаў студэнтаў[4]. Па стане на 2018 год ва ўнівэрсытэце налічваецца 23 факультэты і 3 акадэміі. Большасьць факультэтаў разьмешчаныя ў цэнтральным будынку ўнівэрсытэту і знаходзяцца ў цэнтры Любляны, тыповага студэнцкага гораду з насельніцтвам 265 тысячаў чалавек. Некаторыя факультэты разьмешчаныя за горадам. Унівэрсытэт уваходзіць у асацыяцыю ўнівэрсытэтаў Эўропы, вядомай як Утрэхцкая сетка.

Люблянскі ўнівэрсытэт
Univerza Ljubljana.jpg
Заснаваны 1919[1]
Месцазнаходжаньне
Горад Палац люблянскага ўнівэрсытэту
Краіна Славенія[2]
Знаходзіцца ў складзе Мэдытэра, Утрэхцкая сетка, Сетка эўрапейскіх палітычных інстытутаў і Асацыяцыя эўрапейскіх унівэрсытэтаў[3]
Вэб-сайт http://www.uni-lj.si/

ГісторыяРэдагаваць

Не зважаючы на тое, што пэўныя акадэміі, у прыватнасьці па вывучэньні філязофіі і тэалёгіі, былі створаныя на тэрыторыі Славеніі езуітамі яшчэ ў ХVII стагодзьдзі, першы ўнівэрсытэт быў заснаваны ў 1810 годзе, дзякуючы намаганьням францускай імпэрскай адміністрацыі ілірыйскіх правінцыяў. Кіраўніком унівэрсытэту ў Любляне ў францускі пэрыяд быў прызначаны Ёжэф Баланд. Аднак, гэты ўнівэрсытэт быў распушчаны ў 1813 годзе, калі Аўстрыя аднавіла тэрытарыяльны кантроль і аднавіла імпэратарскі каралеўскі ліцэй Любляны ў якасьці вышэйшую навучальнай установы. У другой палове XIX стагодзьдзя ў Любляне зьявіліся палітычныя запыты на стварэньне славянамоўнага ўнівэрсытэту. У выніку ў 1890-я гады была створаная адзіная рада па ўтварэньні славенскага ўнівэрсытэту, у якім галоўнымі кіраўнікамі былі Іван Хрыбар, Гэнрык Тума і Алеш Ушанічнік. Тым ня менш, неспрыяльныя палітычныя абставіны перашкодзілі стварэньню ўнівэрсытэту да падзеньня Аўстра-ВУгоршчыны. Толькі пасьля Першай сусьветнай вайны і ўтварэньня каралеўства Югаславіі, стварэньне ўнівэрсытэту сталася магчымым.

Галоўны будынак унівэрсытэту быў распрацаваны ў 1902 годзе Янам Уладзімерам Граскім, а пазьней быў рэканструяваны іншым чэскім архітэктарам Ёсіпам Гудэцам.

КрыніцыРэдагаваць

  1. ^ The University of Ljubljana — 2014.
  2. ^ а б Каталёг часопісаў у адкрытым доступе — 2003.
  3. ^ https://eua.eu/about/member-directory.html
  4. ^ «Univerza v številkah». Univerza v Ljubljani.

Вонкавыя спасылкіРэдагаваць

  Люблянскі ўнівэрсытэтсховішча мультымэдыйных матэрыялаў