Леан Гаванке
Ле́ан Гаванке (па-нямецку: Leon Gawanke; нар. 31 траўня 1999 году) — нямецкі хакеіст, абаронца клюбу «Сан-Хасэ Баракуда» з Амэрыканскай хакейнай лігі і нацыянальнай зборнай Нямеччыны.
| Леан Гаванке | ||
|---|---|---|
| Грамадзянства | ||
| Дата нараджэньня | 31 траўня 1999 (24 гады) | |
| Месца нараджэньня | ||
| Клюб | Сан-Хасэ Баракуда | |
| Выступаў за | ||
| Драфт НХЛ | 136, 2017 Вініпэг Джэтс | |
| Гульнявая кар’ера | 2019 — цяпер | |
Кар’ера рэдагаваць
Гулец займаўся хакеем у родным Бэрліне, пасьля чаго яшчэ юнаком далучыўся да клюбу Квэбэцкае галоўнае юніёрскае хакейнае лігі. Пасьля сэзону за акіянам у 2017 годзе быў абраны на драфце НХЛ клюбам «Вініпэг Джэтс» у пятым раўндзе пад агульным 136 нумарам[1]. Пагуляўшы яшчэ некаторы час у Квэбэку, Гаванке ў 2019 годзе склаў кантракт пачаткоўца «Вініпэг Джэтс»[2], але адразу выправіўся да шэрагаў фарм-клюбу «Манітоба Мус» з Амэрыканскае хакейнае лігі. У міжсэзоньне 2020 году на некаторы час вярнуўся ў родны «Айсбэрэн», у якім дэбютаваў у айчынным першынстве. Згуляўшы шэсьць матчаў зноўку накіраваўся да Манітобы. Пасьля сэзону 2022—2023 гадоў як вольны агент склаў чатырохгадовы кантракт з клюбам «Адлер Мангайм»[3].
Праз два месяцы правы на гульца ў НХЛ былі абмененыя «Вініпэг Джэтс» у «Сан-Хасэ Шаркс» на Арцемія Князева[4]. Праз тры дні гулец склаў дамову з «акуламі»[5], далучыўшыся да фарм-клюбу каманды «Сан-Хасэ Баракуда».
Крыніцы рэдагаваць
- ^ «NHL Draft 2017: Winnpeg Jets select Leon Gawanke 136 overall». Arctic Ice Hockey.
- ^ «Winnipeg Jets sign draft pick Leon Gawanke». Global News.
- ^ «Adler verpflichten Gawanke». Adler Mannheim.
- ^ «Jets acquire defenceman Artemi Kniazev from the San Jose Sharks». NHL.
- ^ «Sharks Sign Defenseman Leon Gawanke». NHL.