Кэрлінг

зімовы алімпійскі від спорту, гульня на лёдзе паміж дзьвюма камандамі

Кэ́рлінг (па-ангельску: curling) — зімовы алімпійскі від спорту, гульня на лёдзе паміж дзьвюма камандамі, мэта якой разьмясьціць цяжкую гранітную шайбу (камень) бліжэй да цэлі, чым шайба каманды-суперніка. Па сваім прынцыпе гульня падобная на боўлінг на траве.

кэрлінг
12-01-20-yog-674.jpg
від спорту
Падкляса адзімовы від спорту, камандны від спорту, лядовы спорт, алімпійскі від спорту Рэдагаваць
Выканаўчы органСусьветная кэрлінгавая фэдэрацыя Рэдагаваць
Кляса спаборніцтваўмужчынскі кэрлінг, жаночы кэрлінг Рэдагаваць
Краіна паходжаньняШатляндыя Рэдагаваць
Афіцыйны вэб-сайтhttp://www.worldcurling.org Рэдагаваць
Практыкуеццакэрлер Рэдагаваць
Выкарыстоўваекэрлінгавы камень, кэрлінгавая шчотка, кэрлінгавая пляцоўка, лёд Рэдагаваць
Спаборніцтвы па кёрлінгу

У кэрлінг гуляюць дзьве каманды па чатыры гульцы, якія па чарзе кідаюць гладкія адпаліраваныя гранітныя шайбы па ледзяной дарожцы ў напрамку да цэлі, адзначанай на дарожцы канцэнтрычнымі коламі. Два гульцы дапамагаюць накіраваць шайбу ў патрэбную кропку з дапамогай адмысловых шчотак, якімі яны націраюць лёд у напрамку руху шайбы. Гульня дзеліцца на энды, у кожным зь якіх камандам налічваюцца ачкі, у залежнасьці ад таго, колькі сваіх шайбаў апынуліся бліжэй да цэлі, чым бліжэйшая шайба каманды-суперніка. Гульня складаная, як тэхнічна, так і стратэгічна.

Кэрлінг уваходзіць у праграму Алімпійскіх гульняў, пачынаючы з Алімпіяды 1998 году ў Нагана. У 2006 годзе Міжнародны алімпійскі камітэт прыняў рашэньне рэтраспэктыўна прызнаць афіцыйным спаборніцтвы па кэрлінгу, якія праводзіліся ў рамках Міжнароднага спартыўнага тыдню ў 1924. Падчас Алімпіяды 1932 таксама праводзіўся паказальны матч па кэрлінгу паміж камандамі ЗША й Канады.

Вонкавыя спасылкіРэдагаваць