Кліменці Шут

Кліме́нці Пятро́віч Шут (1925, вёска Плецявішча Ігуменскі раён — 7 студзеня 1969) — беларускі археоляг.

Кліменці Шут
Дата нараджэньня	1925
Месца нараджэньня	Плецявішча, Калодзескі сельсавет, Ігуменскі раён, Менская акруга, БССР, СССР
Дата сьмерці	7 студзеня 1969(1969-01-07)
Месца вучобы	гістарычны факультэт БДУ (1960)
Занятак	археоляг
Месца працы	Інстытут гісторыі НАН Беларусі

Біяграфія

З сялянскай сям’і. Удзельнік Вялікай Айчыннай вайны. З 1944 па 1952 служыў у Чырвонай арміі. Быў паранены падчас вызваленьня Польшчы.

Пасьля дэмабілізацыі скончыў сярэднюю школу, і ў 1955 паступіў на гістарычны факультэт БДУ.

У 1960 скончыў Беларускі дзяржаўны ўнівэрсытэт. 3 1960 навуковы супрацоўнік сэктару археалёгіі Інстытуту гісторыі АН Беларусі. У 1959—1961 удзельнічаў у працы Менскай археалягічнай экспэдыцыі, з 1963 дасьледаваў гарадзішчы раньняга жалезнага веку на поўначы Беларусі, на многіх гарадзішчах правёў шурфоўку (неглыбокая вэртыкальная выпрацоўка для разьведкі выкапняў). Адкрыў і ўвёў у навуковы ўжытак больш за 10 археалягічных помнікаў. Літаральна за некалькі дзён да смерці завершыў складанне археалягічнай мапы помнікаў днепра-дзівінскай культуры (247 гарадзішчаў).

Навуковыя публікацыі

• Обувь древнего Минска. // Материалы IX конференции молодых ученых. — Мн., 1965;
• Городище Дворище. // Вопросы истории и археологии. — Мн.,1966;
• Городища эпохи раннего железа на северо-западе Белоруссии. // Доклады XI конференции ученых БССР. — Мн., 1967;
• Памятники раннего железа на севере Белоруссии. // Древности Белоруссии. — Мн., 1966.

Літаратура

• Памяць: Гіст.-дакум. хроніка Мінска. У 4 кн. Кн. 1-я. — Мн.: БЕЛТА, 2001. — 576 с.: іл. ISBN 985-6302-33-1.
• Штыхов Г. В. К. П. Шут // Советская археология. — 1969. — № 4. — С.319