ЗПГ-тэрмінал Сьвінавуйсьце
Тэрмінал ЗПГ у Сьвінавуйсьце — тэрмінал захаваньня звадкаванага прыроднага газу ў польскім горадзе Сьвінавуйсьце. Ім кіруе Polskie LNG S.A., даччыная кампанія прадпрыемства Gaz-System. Пачатак праекту быў закладзены ў 2006 годзе, а будаўніцтва тэрміналу пачалося ў сакавіку 2011 году[1]. Збудаваньне была адкрыта тагачаснай прэм’ер-міністркай Польшчы Эвай Копач 12 кастрычніка 2015 году[2], а першая замова на тэрмінал адбылася 11 сьнежня 2015 году[3]. Тэрмінал складаецца з зоны разгрузкі перавозчыкаў звадкаванага прыроднага газу, двух вялізных рэзэрвуараў дзеля захоўваньня звадкаванага газу і станцыі рэгазафікацыі. Тэрмінал мае магутнасьць у 5 млрд м³ у год, а пасьля будаўніцтва трэцяга рэзэрвуара ягоная магутнасьць падвысіцца да 7,5 млрд м³ у год, што, як мяркуецца, забясьпечыць Польшчу прыкладна на 50% ад гадавога попыту. Будаўніцтва трэцяга рэзэрвуара, як чакаецца, будзе скончана да 2023 году і будзе каштаваць 1,9 млрд злотых. Таксама існуе плян на стварэньне газавага калідору з тэрмінала ў Сьвінавуйсьце да тэрміналу Адрыя ЗПГ у Харватыі[4].
Крыніцы рэдагаваць
- ^ «Construction on Świnoujście LNG terminal to start in March»(недаступная спасылка). Warsaw Business Journal.
- ^ «Świnoujście gas terminal officially opened». Radio Poland.
- ^ «Pierwsza dostawa katarskiego LNG dotarła do Polski». Defence24.pl.
- ^ «Poland, Slovakia take step towards gas link». Reuters.
Вонкавыя спасылкі рэдагаваць
- Афіцыйны сайт кіроўнай кампаніі Polskie LNG S.A.