Жалудоўка
Жалудо́ўка, жалудо́вая ка́ва — старажытны напой з жалудоў.
| Жалудоўка | |
| Складнікі | жолуд |
|---|---|
Прыгатаваньне
рэдагавацьСабраць увосені здаровыя, не пашкоджаныя казуркамі жалуды. Прамыць, замачыць у вадзе з даданьнем попелу(d) лісьцевых дрэваў (напрыклад, дубу). Вымачваць да тае пары, пакуль вада не перастане карычнявець[1] (ня меней за 24 гадзіны). Ачысьціць ад шкарлупіньня, здрабніць у кавамолцы і абсмажыць на патэльні[2].
Запарыць як звычайную каву. Для прыгатаваньня аднаго кубку дастаткова адной-дзьвюх гарбатных лыжак жалудовага парашку[2]. На смак жалудоўка досыць горкая[1][3], мае насычаны карычневы колер.
Пажыўнасьць
рэдагавацьЖалуды — крыніца вітамінаў групы B, мінэралаў (каль, магн, манган, медзь, фосфар)[1]. Напой з жалудоў дапамагае адолець бранхіт і цыстыт, зьніжае ўтрыманьне цукру ў крыві, павышае імунітэт, станоўча ўплывае на нэрвовую сыстэму. У адрозьненьне ад звычайнай кавы, жалудоўка не вымывае з арганізму магн, а павялічвае ягонае ўтрыманьне. Адсутнасьць кафэіну дазваляе спажываць жалудоўку цяжарным жанчынам, дзецям[2], асобам з падвышаным ціскам[1].
Мінуўшчына
рэдагавацьЗапіскі пра пажыўныя якасьці жалудовай кавы сустракаюцца ўжо ў XIX стагодзьдзі. У часе Другой сусьветнай вайны яна здабыла папулярнасьць у адсутнасьць традыцыйнай кавы і нават атрымала назву «партызанскай кавы»[3].
Крыніцы
рэдагаваць- ^ а б в г Mazurek, Magda (14 кастрычніка 2020) Żołędziówka — nalewka z żołędzi i kawa z żołędzi. Właściwości i zastosowanie (пол.) Zdrowie. PoradnikZdrowie. Праверана 21 лістапада 2023 г.
- ^ а б в Ружыцкая, Натальля (20 верасьня 2017) Кава ад Шапэна, або Кававы лайфхак нашых продкаў — гэта трэба пакаштаваць Наша Ніна. Наша Ніва. Праверана 21 лістапада 2023 г.
- ^ а б Urbańska, Anna (15 кастрычніка 2021) Kawa żołędziowa — czym jest, jak smakuje i czy jest alternatywą dla czarnej kawy? (пол.) Zdaniem eksperta. Allegro. Праверана 21 лістапада 2023 г.
Вонкавыя спасылкі
рэдагаваць- Як прытагаваць каву жалудоўку на YouTube (пол.)