Дрыгва (гурт)

	Дрыгва
Гады	2006—2014; 2017 — нашы дні
Краіна	Беларусь;
Месца ўтварэньня	Магілёў, Беларусь
Мова	беларуская
Жанр	фолькавы мэтал; паганскі мэтал
Выдавец	«Graillight Productions»; «First Line Records Division»
Удзельнікі	На стан 2019 году:; Віталь Беразоўскі; Аляксей Сьцяцюк; Аляксандр Талкачоў; Віталь Ляўчук
	vk.com/drygvband

«Дрыгва́» — беларускі паганскі фольк-мэтал гурт. Ён вылучаецца сваім гучаньнем, у якім сумешваюцца мілагучнасьць традыцыйных інструмэнтаў з жорсткасьцю гітарных рыфаў. У асобных колах гурт лічыцца легендарным і адным з найвыдатнейшых прадстаўнікоў паганскай сцэны. Песьні гурту выключна на беларускай мове. Гурт існуе 2006—2014 гг. і зь 2017 па сёньняшні дзень.

Склад

Пры запісе «Кола часу»

Віталь Беразоўскі — сьпевы, бас-гітара, тэксты
Аляксей Сьцяцюк — музыка, гітара
Уладзімер — барабаны
Максім Аляксеў — клавішы

Пры запісе «Сын магутнага рода»

Віталь Беразоўскі — сьпевы, тэксты
Аляксей Сьцяцюк — музыка, гітара
Аляксандар — бас-гітара

Пры запісе «Ланцугі мінулых стагоддзяў»

Віталь Беразоўскі — сьпевы, бас-гітара, тэксты
Аляксей Сьцяцюк — кампазытар, гітара, флейта, клавішы

Пры запісе «Вогнепаклоннік» (на хвілю напісаньня артыкулу)

Віталь Беразоўскі — сьпевы, бас-гітара, тэксты
Аляксей Сьцяцюк — гук, музыка
Аляксандар Талкачоў — бас-гітара
Віталь Ляўчук — бубны

Гісторыя гурту

Ідэя стварэньня гурту «Дрыгва» нарадзілася ў 2006 ў горадзе Магілёў. Першыя рэпэтыцыі адбыліся ўвесну таго ж году. Першапачатковы склад налічваў 4-х музыкаў (рытм, сола, ударныя, бас/сьпевы), пазьней у гурце зьявіўся клавішнік. Тады быў запісаны першы дема-матэрыял зь 5 песьняў. З самага пачатку існаваньня гурту ў яго была праблема са складам, які часта мяняўся і быў нестабільны, але ў 2009 годзе выдаецца дэмаальбом «Кола Часу», які быў выдадзены ў лічбавым фармаце. У 2010 г. выдаецца дэбютны альбом «Сын магутнага рода» лэйбламі «Graillight Productions» и «First Line Records Division». У 2010—2011 гадах выдаюцца сумесныя сынглы са «Сваргой». У 2012 г. выдецца міні-альбом «Ланцугі мінулых стагодзьдзяў». 27 сакавіка 2014 году гурт абвесціў на афіцыяльнай суполцы пра свой распад. Але 3 чэрвеня 2017 году выдаецца сынгл «Паляваньне» разам з каверам песьні гурту «Apraxia». У тым жа годзе выдаецца сынгл «Крывавая гамарня». У 2019 годзе выходзіць сынгл «Вогнепаклоннік». Усе песьні «Дрыгвы» былі запісаныя ў хатняй студыі Аляксея «DRYGVA Studio».

Творчасьць

Альбомы

Сын магутнага рода (2010)
Вайдэлот (2020)

Міні-альбомы

Кола часу (2009)
Ланцугі мінулых стагодзьдзяў (2012)
В пасти новой войны & Вольница (У пашчы новае вайны & Вольніца, 2013)

Сынглы

В пасти новой войны (У пашчы новай вайны, 2010)
Вольница (Вольніца, 2011)
Паляваньне (2017)
Крывавая гамарня (2017)
Вогнепаклоньнік (2019)
Кругі на вадзе (2020)