Дом лекара (Гомель)

Помнік грамадзянскай архітэктуры
Дом лекара
Дом лекара
Краіна	Беларусь
Места	Гомель
Каардынаты	52°25′45.27″ пн. ш. 31°00′22.37″ у. д.
Архітэктурны стыль	мадэрн
Аўтар праекту	Станіслаў Шабунеўскі
Статус	Дзяржаўны сьпіс гісторыка-культурных каштоўнасьцяў Рэспублікі Беларусь
Дом лекара на мапе Беларусі Дом лекара
Дом лекара на Вікісховішчы

Дом ле́кара — помнік архітэктуры пачатку XX ст. у Гомлі. Знаходзіцца ў цэнтры места пад адрасам вуліца Ірынінская, 11. Твор архітэктуры мадэрну. Цяпер тут месьціцца Дом грамадзянскіх абрадаў.

Гісторыя

Мураваны дом лекара збудавалі ў 1903 годзе паводле праекту архітэктара Станіслава Шабунеўскага.

Архітэктура

Помнік архітэктуры мадэрну. Да 1-павярховага будынка з боку двара далучаецца гаспадарчая прыбудова. Кампазыцыя галоўнага фасада, які выходзіць на чырвоную лінію забудовы вуліцы, сымэтрычная. Галоўны ўваход вылучаецца прастакутным ганкам, завершаным фігурным атыкам, які падтрымліваюць дзьве квадратныя калёны. Роўніцы калёнаў аздабляюцца ляпным дэкорам. Дэкаратыўныя ляпныя дэталі аздабляюць прасьценкі паміж 6 высокімі вокнамі і карнізы. На атыку — ляпны фамільны вэнзэль былых уладальнікаў дома.

Унутраны плян калідорны.

Галерэя

• Сучасныя здымкі
• 
  Агульны выгляд
• 
  Ганак
• 
  Фрагмэнт
• 
  Фрагмэнт

Літаратура

• Архітэктура Беларусі: Энцыклапедычны даведнік. — Менск: Беларус. энцыкл., 1993. — 620 с.: іл. ISBN 5-85700-078-5.