Дом Саветаў (Магілёў)

Дом Саветаў у Магілёве — помнік архітэктуры міжваеннага пэрыяду, аўтарства І. Лянгбарда. Знаходзіцца на плошчы Леніна.

Праект збудаваньня ствараецца ў 1935 годзе ва ўмовах магчымага пераносу сталіцы БССР у Магілёў. Таму будынак быў спраектаваны ідэнтычна менскаму Дому ўрада. У 1938 годзе ўрад рэспублікі нават прыняў пастанаўленьне аб пераносе сталіцы. У гэтых умовах з 1938 па 1940 гады ў цэнтральнай частцы Магілёва ўзводзіцца Дом саветаў для кіруючых органаў рэспублікі.

У пасьляваенны час Дом Саветаў заклаў аснову пасьляваеннай рэканструкцыі Магілёву.