Дзяцькаўскі раён

Дзя́цькаўскі раён — адміністрацыйна-тэрытарыяльная адзінка на поўначы Бранскай вобласьці Расеі. Адміністрацыйны цэнтар — места Дзяцькава.

Дзяцькаўскі раён
Дятьковский район
Герб
Агульныя зьвесткі
Краіна	Расея
Статус	раён
Уваходзіць у	Бранскую вобласьць
Адміністрацыйны цэнтар	Дзяцькава
Дата ўтварэньня	1929
Насельніцтва (2009)	62 631
Плошча	1420 км²
Месцазнаходжаньне Дзяцькаўскі раёну
Мэдыя-зьвесткі
Часавы пас	UTC +3
Тэлефонны код	+7 48333
Код аўтам. нумароў	32
Афіцыйны сайт
Дадатковыя мультымэдыйныя матэрыялы

Геаграфія

Плошча раёну — 1420 км². Асноўная рака — Болва.

Гісторыя

5 ліпеня 1944 году Ўказам Прэзыдыюму Вярхоўнага Савету СССР была ўтвораная Бранская вобласьць, у склад якой, нароўні зь іншымі, быў улучаны і Дзяцькаўскі раён. У 1963 раён скасавалі, а ў 1965 — аднавілі.

Дэмаграфія

Насельніцтва раёну складае 62,6 тыс. чалавек, у тым ліку ў мескіх паселішчах жыве каля 53,7 тыс. З астатніх 9 тыс. жыхароў каля 7 тыс. жывуць у трох найбуйнейшых сельскіх населеных пунктах (Слабадзішча, Беразіно, Дружба), пераважна ў шматкватэрных будынках зь мескімі выгодамі.

Найбуйнейшыя населеныя пункты:

• Дзяцькава — 32,4 тыс. жыхароў,
• Івот — 6,4 тыс. жыхароў,
• Любахна — 5,5 тыс. жыхароў,
• Стар — 5,0 тыс. жыхароў,
• Бытош — 4,4 тыс. жыхароў.

Усяго налічваецца 36 населеных пунктаў.

Адміністрацыйна-тэрытарыяльны падзел

Па муніцыпальнай рэформе (2005) у раёне налічваецца 5 мескіх і 5 сельскіх паселішчаў:

Мескія паселішчы:

• Бытоскае мескае паселішча
• Дзяцькаўскае мескае паселішча
• Івоцкае мескае паселішча
• Любахонскае мескае паселішча
• Старскае мескае паселішча

Сельскія паселішчы:

• Бярэзінскае сельскае паселішча
• Вялікажукоўскае сельскае паселішча
• Вярхоўскае сельскае паселішча
• Нямерыцкае сельскае паселішча
• Слабадзішчанскае сельскае паселішча

Эканоміка

Дзяцькаўскі раён належыць да ліку прамысловых раёнаў. Па аб’ёме вырабленай прадукцыі раён займае другое месца ў вобласьці. Прамысловасць раёну — пераважна шкляная і дрэваапрацоўчая, таксама разьвітая вытворчасьць будматэрыялаў. У раёне 9 буйных прадпрыемстваў. Мае месца дадатная дынаміка прамысловай вытворчасьці; так, за 2007 аб’ём адгружанай прадукцыі склаў 5229,5 млн рублёў.

Транспарт

Праз раён праходзяць аўтадарога Р68 Бранск — Дзяцькава — Людзінава — Кіраў — траса А101 і чыгуначная лінія Бранск — Вязьма, дзякуючы чаму ўсе мескія паселішчы раёну маюць простае злучэньне з абласным цэнтрам. У месьце Дзяцькава разьвіты мескі аўтобусны транспарт; існуе рэгулярнае аўтобуснае злучэньне з Масквой.

Вонкавыя спасылкі

Дзяцькаўскі раён — сховішча мультымэдыйных матэрыялаў

• Сайт раённай адміністрацыі(недаступная спасылка) (рас.)
• Гісторыя адміністрацыйных пераўтварэньняў Бранскай вобласьці(недаступная спасылка) (рас.)