Джэрард Батлер
Джэ́рард Ба́тлер (па-ангельску: Gerard Butler; нарадзіўся 13 лістапада 1969 году) — шатляндскі актор і кінапрадусар. Пасьля вывучэньня права Батлер зьвярнуўся да акторскага майстэрства ў сярэдзіне 1990-х гадоў зь невялікімі ролямі ў такіх фільмах, як то «Місіс Браўн» (1997), фільм бандыяны «Заўтра не памрэ ніколі» (1997) і «Мумія: Прынц Эгіпту» (1998). У 2000 годзе ён зьняўся ў ролі графа Дракулы ў гатычным фільме жахаў «Дракула 2000» з Крыстафэрам Пламэрам і Джоні Лі Мілерам.
Джэрард Батлер | |
| па-ангельску: Gerard Butler | |
.jpg) | |
| Дата нараджэньня | 13 лістапада 1969[1][2] (54 гады) |
|---|---|
| Месца нараджэньня | |
| Месца вучобы | |
| Занятак | актор, кінапрадусар, кінаактор, адвакат, тэатральны актор, тэлеактор |
| IMDb | ID nm0124930 |
| Сайт | gerardbutler.net |
Пасьля Батлер выканаў ролю гуна Атылу ў міні-сэрыяле «Атыла» (2001), а затым зьняўся ў фільмах «Улада агню» (2002) разам з Крыстыянам Бэйлам і «Лара Крофт: Раскрадальніца магільняў — Калыска жыцьця» (2003) разам з Анджэлінай Джалі, перш чым зьявіцца ў экранізацыі навукова-фантастычнай прыгодніцкай кінастужкі Майкла Крайтана «Ў пастцы часу» (2003). Надалей, актор атрымаў ролю Эрыка ў экранізацыі м’юзыкла «Прывід опэры» (2004) Джоэла Шумакера. Гэтая роля прынесла яму намінацыю на прэмію Спадарожнік за найлепшую мужчынскую ролю.
Батлер атрымаў сусьветнае прызнаньне за ролю караля Леаніда ў фантастычным ваенным фільме Зака Снайдэра «300 спартанцаў». Гэтая роля прынесла яму намінацыю на прэмію Эмпайр за найлепшую мужчынскую ролю і прэмію Сатурн за найлепшую мужчынскую ролю і перамогу прэміі MTV Movie за найлепшую бойку. Актор агучыў ролю ў камэрцыйна пасьпяховай франшызе «Як абрахманіць цмока» (2010—2019). У 2016 годзе актор выканаў ролю ў фантастычным фільме «Богі Эгіпту», за якую атрымаў намінацыю на антыпрэмію Залатая маліна.
Крыніцы
рэдагаваць- ^ Casey N. S. Gerard Butler // Encyclopædia Britannica (анг.)
- ^ Gerard Butler // Munzinger Personen (ням.)
Вонкавыя спасылкі
рэдагаваць- Джэрард Батлер (анг.) на сайце IMDb