Дармштат-98 (футбольны клюб)

	Дармштат-98
Поўная назва	SV Darmstadt 98
Заснаваны	22 траўня 1898
Горад	Дармштат,; Нямеччына
Стадыён	Бёленфальтар; Умяшчальнасьць: 19 000
Галоўны трэнэр	Торстэн Лібэркнэхт[d];
Чэмпіянат	Бундэсьліга 2
· 2023—2024	Бундэсьліга, 18 месца (паніжэньне)
	Галерэя здымкаў у Вікісховішчы; sv98.de (ням.)

«Дармштат-98» (па-нямецку: Darmstadt 98) — нямецкі футбольны клюб з гораду Дармштату ў зямлі Гэсэн. Заснаваны 22 траўня 1898 годзе пад назовам «Алімпія». Напачатку 1919 году клюб аб’яднаўся з спартовым клюбам «Дармштатэр», які сам быў вынікам зьліцьця ў лістападзе 1905 году клюбаў «Вікторыя» і «Германія». Акрамя футболу клюб мае сэкцыі ў іншых відах спорту, як то ў баскетболе, футзалі, дзюдо, настольным тэнісе, налічваючы блізу 7600 сябраў у сваёй структуры^[1].

Гісторыя

Цыгарэтная картка 1930 году з выявай эмблемы клюбу.

У пэрыяд з 1909 па 1913 гады «Алімпія» гуляла ў чэмпіянаце Заходнеакруговай лігі, але займала месцы ў ніжняй частцы табліцы. У канцы 1920-х і пачатку 1930-х гадоў клюб гуляў ужо пад назовам «Дармштадт» у лізе акруговай лізе Одэнвальд і Майн—Гэсэн, але зь цяжкасьцю заставаўся ў найвышэйшых дывізіёнах. У 1933 годзе нямецкі футбол быў рэарганізаваны, то бок у Нямецкім Райху былі ўтвораныя шаснаццаць галоўных дывізіёнаў, вядомых як гаўліген. Тям ня менш, «Дармштадт» ня быў здольным прабіцца ў найвышэйшую лігу да 1941 году, калі яны, нарэшце, трапілі ў групу 2 гаўлігі Гэсэн-Насаў. Іхняе знаходжаньне там было нядоўгім, бо шжо пасьля другога сэзону, яны былі вымушаныя спусьціцца ў лігу ніжэй. Да 1944—1945 спаборніцтвы былі прыпыненыя праз наступ хаўрусьнікаў на Нямеччыну.

Усе 1950-я гады «Дармштадт» спаборнічаў у ніжэйшых дывізіёнах пасьля чарговай рэарганізацыі і стварэньня Бундэсьлігі. Клюб стаў сталым удзельнікам другога дывізіёну Бундэсьлігі, звычайнай фінішуючы пасяродку турнірнай табліцы. У пачатку 1960-х, калі каманду ачоліў Адольф Шміт, дружыну пагоршыла выступы. Як вынік, клюб заняў апошняе месца ў лізе і апусьціўся ў аматарскую лігу Гэсэну. Кіраўніцтва клюбу запрасіла Эрнста Легнэра, каб палепшыць сытуацыю. Новы адмысловец за стырно каманды здолеў захаваць гульцоў і неадкладна здабыць перамогу ў лізе і вярнуць «Дармштат» да другога дывізіёну.