Данііл Душэўскі

Даніі́л Дзьмі́трыевіч Душэ́ўскі (нар. 1 сакавіка 2004 году) — беларускі футбаліст, паўабаронца клюбу «Менск».

Данііл Душэўскі
Пэрсанальная інфармацыя
Нарадзіўся	1 сакавіка 2004(2004-03-01) (19 гадоў) Менск, Беларусь
Пазыцыя	паўабаронца
Клюбная інфармацыя
Клюб	Менск
Нумар	13
Клюбы
Гады	Клюб	Гульні (галы)¹
2021—	Менск	30 (2)
Зборныя
2021—2022 2022—	Беларусь (да 19) Беларусь (да 21)	4 (0) 2 (0)
¹ Колькасьць гульняў і галоў за прафэсійны клюб лічыцца толькі для нацыянальнай лігі, адкарэктавана на 17 сакавіка 2023. ² Колькасьць гульняў і галоў за нацыянальную зборную ў афіцыйных матчах, адкарэктавана на 19 лістапада 2022.

Кар’ера

Клюбная

Выхаванец клюба «Менск», выступаў за юнацкія каманды клюбу, з 2020 году пачаў прыцягвацца да матчаў дублюючага складу, дзе замацаваўся на наступны год. Выступаў таксама ў Юнацкай лізе УЭФА. У канцы 2021 году стаў зьяўляцца і ў асноўнай камандзе клюбу. 31 кастрычніка 2021 году дэбютаваў у найвышэйшай лізе, выйшаўшы на замену ў другім тайме матчу з салігорскім «Шахцёрам» (0:3). У далейшым пачаў выходзіць у стартавым складзе каманды.

Міжнародная

У кастрычніку 2021 году і верасьні 2022 году гуляў за юніёрскую зборную Беларусі (да 19 гадоў) у кваліфікацыйным раўндзе чэмпіянату Эўропы. 16 лістапада 2022 году дэбютаваў у моладзевай зборнай Беларусі, калі выйшаў на замену ў другім тайме таварыскага матчу супраць моладзевай зборнай Ірану (3:0).

Вонкавыя спасылкі

• Профіль^(анг.) на Transfermarkt
• Профіль^(анг.) на Soccerway
• Профіль^(анг.) на Worldfootball