ДП-1
ДП-1 — аднавагонны дызэльны цягнік, сумесны праект ААТ «Кіруючая кампанія холдынгу „Белкамунмаш“» з польскай холдынгавай кампаніяй PESA Bydgoszcz SA пры ўдзеле ААТ «Менскі вагонарамонтны завод». Ініцыятарам праекту стала Беларуская чыгунка[1].
| ДП-1 | |
 ДП1-005 | |
| Прывад | дызэльны |
|---|---|
| Хуткасьць | 120 км/г |
| ДП-1 у Вікісховішчы | |
Цягнік спраектаваны па прынцыпе рэйкавага аўтобуса. Гэта аднавагонны дызэльны цягнік, які рухаецца пры дапамозе ўласнага рухавіка, без выкарыстаньня лякаматыва.[2]
Ход рэалізацыі
рэдагаваць23 сьнежня 2011 г. у Менск прыбыў першы машынакамплект дызэльнага цягніка ДП-1.[2]
У студзені 2012 першы цягнік ужо праходзіў прыёмачныя выпрабаваньні на Беларускай чыгунцы[3].
Абсталяваньне
рэдагавацьУ салёне ўсталяваны мяккія крэслы, кандыцыянэр, прыбіральня вакуўмнага тыпу. У кабіне машыніста ўсталяваны халадзільнік, мікрахвалевая печ і воданагравальнік.
Цягнік абсталяваны зьнешнімі і ўнутранымі відэакамэрамі, якія дазваляюць машыністу назіраць за абстаноўкай вакол цягніка і ў салёне[3][4].
Тэхнічныя характарыстыкі
рэдагавацьДП-1 прызначаны для эксплюатацыі на пуцях з шырынёй каляі 1520 мм. Даўжыня цягніка — 27,5 м, эксплюатацыйная хуткасьць — 120 км/г, далёкасьць ходу — 1000 км. Колькасьць месцаў для сядзеньня — 91, агульная колькасьць месцаў — 171. Разьліковы тэрмін службы — 40 гадоў.[2]
Сьцьвярджаецца, што расход паліва на аднаго пасажыра ў тры разы меней, чым у ДР-1А, і складае да 70 літраў паліва на 100 км[3][5].
Крыніцы
рэдагаваць- ^ БелКоммунМаш :: Новости :: Первый дизельный поезд ДП-1 проходит пуско-наладочные испытания (рас.)
- ^ а б в БелКоммунМаш :: Новости :: Поезд от Белкоммунмаша? Уже скоро! (рас.)
- ^ а б в Одновагонные дизель-поезда начнут курсировать по Белорусской железной дороге весной 2012 года. (рас.)
- ^ Первый одновагонный дизель-поезд ДП-1 проходит приемочные испытания.(недаступная спасылка) (рас.)
- ^ TUT.BY | НОВОСТИ — Рельсовые автобусы заменят дизель-поезда на участках с низким пассажиропотоком — Общество — 30.01.2012, 09:59 (рас.)