Гюнтэр Грас

Гюнтэр Грас (па-нямецку: Günter Grass альбо па-нямецку: Graß; 16 кастрычніка 1927, Данцыг — 13 красавіка 2015, Любэк, Нямеччына) — нямецкі пісьменьнік, скульптар, мастак, графік, ляўрэат Нобэлеўскай прэміі па літаратуры 1999 году.

Гюнтэр Грас

Біяграфія

Нарадзіўся 16 кастрычніка 1927 году ў Данцызе. Падчас Другой сусьветнай вайны быў спачатку залічаны ў склад дапаможнай службы СПА Люфтвафэ, а пазьней у 10-ю танкавую дывізію войскаў СС.

Пасьля разгрому Нямеччыны Грас да 1946 году знаходзіўся ў амэрыканскім лягеры для ваеннапалонных у Баварыі. Вызваліўшыся, ён пачаў вывучаць скульптуру і жывапіс, а ў канцы 1950-х гадоў захапіўся літаратурай. З выхадам у 1959 годзе рамана «Бляшаны барабан» Грас стаў першым нямецкім пасьляваенным пісьменьнікам, якія атрымаў міжнароднае прызнаньне. Раман зьяўляецца першай часткай так званай «Данцыгскай трылогіі», у якой адбіліся яго ваенныя перажываньні ў падлеткавым узросьце.

У 1999 годзе стаў ляўрэатам Нобэлеўскай прэміі па літаратуры.

Памёр 13 красавіка 2015 году ў Любэку (Нямеччына).

Беларускія пераклады

• Мая зялёная паляна / Пераклад Лявона Баршчэўскага // ARCHE. 2003. № 2.
• Вершы ў перакладзе Лявона Баршчэўскага і Вольгі Гапеевай // im lichtertanz = У танцы ліхтароў: Сучасная нямецкая паэзія. Менск: Тэхналёгія, 2004.