Гомельская ратуша

Помнік грамадзянскай архітэктуры
Гомельская ратуша
Гомельская ратуша, аўтэнтычны выгляд у XIX ст.
Краіна	Беларусь
Места	Гомель
Каардынаты	52°25′32″ пн. ш. 31°00′55″ у. д. / 52.42556° пн. ш. 31.01528° у. д. / 52.42556; 31.01528Каардынаты: 52°25′32″ пн. ш. 31°00′55″ у. д. / 52.42556° пн. ш. 31.01528° у. д. / 52.42556; 31.01528
Архітэктурны стыль	клясыцызм, эклектыка
Аўтар праекту	Яўген Кірылавіч Торлін^[d]
Статус	Дзяржаўны сьпіс гісторыка-культурных каштоўнасьцяў Рэспублікі Беларусь
Гомельская ратуша на мапе Беларусі Гомельская ратуша
Гомельская ратуша на Вікісховішчы

Го́мельская ра́туша — помнік архітэктуры XIX стагодзьдзя ў Гомлі, адзін з сымбаляў места. Знаходзіцца на Рынку пры пачатку гістарычнай Прабойнай вуліцы^[a]. Твор архітэктуры клясыцызму, на падмурках якога ў 1880-я гады збудавалі новы эклектычны будынак. Аб’ект Дзяржаўнага сьпісу гістарычна-культурных каштоўнасьцяў Беларусі.

ГісторыяРэдагаваць

Аэрафотаздымак Рынку, 1930-я гг

Вялікае Княства ЛітоўскаеРэдагаваць

Першую ратушу ў Гомлі збудавалі па атрыманьні местам Магдэбурскага права ў 1560 годзе.

Пад уладай Расейскай імпэрыіРэдагаваць

Па першым падзеле Рэчы Паспалітай (1772 год), калі Гомель апынуўся ў складзе Расейскай імпэрыі, склалася плянавальная схема места, кампазыцыйным цэнтрам якой быў Рынак з палацам, паркам, 2-ярусным гасьціным дваром, гандлёвымі радамі, касьцёлам і мураванай ратушай.

У 1880-я гады на падмурках старой ратушы збудавалі новы будынак паводле праекту архітэктара Яўгена Торліна. На першым паверсе разьмяшчаліся крамы і канторы, на другім — «Гарадзкая дума» (рас. Городская дума).

Найноўшы часРэдагаваць

Па Кастрычніцкім перавароце (1917 год) на другім паверсе разьмяшчалася рэдакцыя газэты «Гомельская праўда». З 1921 году ў будынку знаходзіліся два цэхі фабрыкі «Палесдрук». Да 1931 году над будынкам паставілі трэці паверх.

АрхітэктураРэдагаваць

Пачатковы будынак ратушы — помнік архітэктуры клясыцызму, па рэканструцыі 1880-х і 1831 году — помнік архітэктуры эклектыкі. Гэта прастакутны ў пляне 3-павярховы будынак. Першы глухі масіўны паверх падзяляецца блендамі, вокны другога і трэцяга паверхаў афармляюцца ліштвамі і завяршаюцца франтонамі. Галоўны фасад вылучаецца двума нізкімі разылітамі, апрацаванымі лапаткамі. Паверхі аддзяляюцца цагляным зубчатым пасам і квадратнымі філёнгамі. Плян анфілядны^[1].