Герб Чарнагорыі
Герб Чарнагорыі — адзін з афіцыйных сымбаляў Чарнагорыі нараўне са сьцягам і гімнам.[1] Ён прыняты парлямэнтам Чарнагорыі на пасяджэньні, якое адбылося 12 ліпеня 2004 году. Новы герб замяніў сымбаль часоў 1990-х, на якім быў намаляваны срэбны двухгаловы арол (замест цяперашняга залатога). Герб займае цэнтральнае месца на дзяржаўным сьцягу, які таксама быў прыняты ў 2004 годзе.
Гісторыя
рэдагавацьПаходжаньне і сымболіка
рэдагаваць.svg)
Герб адлюстроўвае двухгаловага арла ў палёце, які паўтарае эмблему дынастыі Пятровічаў (першая каралеўская дынастыя Чарнагорыі) і герб Бізантыі. Герб сымбалізуе адзінства і ўзаемасувязь Царквы і Дзяржавы. Падобны матыў таксама выкарыстоўваўся ўладарамі княства Зэта[2] — дынастыяй Црнаевічаў. Вонкавы выгляд таксама зьвязаны з гербам Расейскай імпэрыі, зь якой чарнагорская каралеўская сям'я падтрымлівала цесныя сувязі.
Леў з паднятай правай лапай сымбалізуе ўладу біскупа, а таксама зьяўляецца адной з алегорый Уваскрэсеньня, і самога Хрыста Ўсетрымальніка. Гэты сымбаль паходзіць ад гербу Вэнэцыі, якая аказала сур'ёзны ўплыў на разьвіцьцё рэгіёна ў Сярэднія стагодзьдзі. Калі Чарнагорыя ўпершыню здабыла незалежнасьць, яна стала тэакратычнай дзяржавай, што абумоўленае кансалідацыяй сэрбаў-хрысьціян супраць іншаверцаў-туркаў. Па гэтаму чыньніку кіравальная роля Цэрквы была адлюстраваная ў геральдыцы таго часу. Пасьля ўсталяваньня сьвецкай каралеўскай дынастыі ў 1851 годзе, леў быў перамешчаны ніжэй арла, хоць ініцыялы кіраўніка па ранейшым разьмяшчаліся на шчыце са львом.
Герб сацыялістычнай Чарнагорыі
рэдагаваць.svg)
Герб быў прыняты 31 сьнежня 1946 разам са сьцягам. Мяркуецца, што яго аўтарам зьяўляўся Джорджэ Андрэевіч Кун, якому загадваецца аўтарства ўсіх гербаў югаслаўскіх рэспублік.[3].
На гербе намаляваная гара Лоўчэн, на вяршыні якой разьмешчаны маўзалей Ньегоша, акружаная морам. Кампазыцыя апраўляецца залатым вянком і ўвянчаная чырвонай зоркай.
Сучасны герб
рэдагавацьНа сучасным гербе леў зьмешчаны на шчыце, які ў сваю чаргу разьмяшчаецца на грудзях арла. Паколькі ў дадзены момант Чарнагорыя зьяўляецца рэспублікай, карона дынастыі Пятровічаў, што вянчае арла, выклікала некаторыя рознагалосьсі ў грамадзтве падчас прыняцьця гербу. Тым ня менш, герб набыў папулярнасьць сярод насельніцтва і цяпер яго можна бачыць у школах, офісах і жыльлі простых чарнагорцаў.
Зацемкі
рэдагаваць- ^ Урад Чарнагорыі, Заканадаўчы акт аб дзяржаўных сымбалях (сэрб.)
- ^ Зэта — адно з сярэднявечных назваў Чарнагорыі (гл. артыкул Гісторыя Чарнагорыі)
- ^ FOTW Montenegro (анг.)
Глядзіце таксама
рэдагавацьВонкавыя спасылкі
рэдагаваць
Герб Чарнагорыі — сховішча мультымэдыйных матэрыялаў