Генэральны сакратар ААН
Генэральны сакратар ААН — галоўная адміністрацыйная службовая асоба Арганізацыі Аб’яднаных Нацыяў, кіраўнік арганізацыі.
Генэральны сакратар прызначаецца Генэральнай Асамблеяй ААН з рэкамэндацыі Рады Бясьпекі ААН. Рашэньню Рады Бясьпекі звычайна папярэднічаюць нефармальныя абмеркаваньні і сэрыя рэйтынгавых галасаваньняў. Акрамя таго, кожны зь пяці пастаянных чальцоў Рады можа пры галасаваньні скарыстацца правам вета. У адпаведнасьці з агульнапрынятай практыкай Генэральнага сакратара не абіраюць з прадстаўнікоў краінаў — пастаянных чальцоў Рады Бясьпекі.
Генэральны сакратар ААН абіраецца на пяць гадоў з магчымым перавыбраньнем на новы тэрмін. Хоць няма ніякіх абмежаваньняў на колькасьць пяцігадовых тэрмінаў, на працягу якіх генэральны сакратар можа знаходзіцца ў сваёй пасадзе, дагэтуль ніхто не займаў гэты пост больш за два разы.
Сьпіс Генэральных сакратароў ААН
Да заступленьня на пасаду Тругвэ Лі абавязкі генэральнага сакаратара выконваў Глэдвін Джэб.
- Тругвэ Лі (1946—1952)
- Даг Гамаршэльд (1953—1961)
- У Тан (1962—1971)
- Курт Вальдгайм (1972—1981)[1]
- Хавіер Пэрэс дэ Куэльляр (1 студзеня 1982 па 31 сьнежня 1991)
- Бутрас Бутрас-Галі (1992—1996)
- Кофі Анан (1997—2007[2]).
- Пан Гі Мун (1 студзеня 2007—2016)
- Антонію Гутэрыш (ад 2017[3])