Гаўрыла Гарнастай
Гаўрыла (Габрыель) Гарнастай (па-польску: Gawryło (Gabriel) Hornostaj, каля 1515? — каля 1588) — дзяржаўны дзяяч Вялікага Княства Літоўскага, з 22 траўня 1566 году пазначаны «на новаўтвораны ўрад ваяводы ў Mенску, дзе раней былі намесьнікі» менскім ваяводай, камянецкі староста зь 1468, берасьцейскі ваявода з 6 ліпеня 1576, менскі староста з 1575 году.
 Герб «Кітаўрус» | |
| Асабістыя зьвесткі | |
|---|---|
| Нарадзіўся | каля 1515 ? |
| Памёр | каля 1588 |
| Род | Гарнастаі |
| Бацькі | Іван Ганастай Ганна Васільеўна Саламярэцкая |
| Жонка | Барбара Ласка |
| Дзеці | Геранім |
| Дзейнасьць | службовая асоба |
З роду Гарнастаяў герба «Кітаўрус», старэйшы сын наваградзкага ваяводы Івана і Ганны Васільеўны Саламярэцкай.
Валодаў Капыламі, Шчытнікамі і Балатковам у Берасьцейскім, Поцешам у Вількамірскім павеце, часткай Астрошыц, Талачына, Басеі. У 1566 годзе сьведчыў аб даўгавым абавязку на маёмасьць Канарскага. Са сваіх маёнткаў у часе Лівонскай вайны ў 1567 ставіў у войска 49 коньнікаў. Перайшоў з праваслаўя ў кальвінізм. Фудатар збораў у Гарнастаі й Казаровічах у Валынскім ваяводзтве. У 1585 маці Ўласнага Ўласнавіча Гарнастая абвінавачвала яго ў сьмерці сына.
Быў жанаты з Барбарай Ласкай, дачкой серадзкага ваяводы Войцеха Ласкага, і меў сына Гераніма.
Літаратура
рэдагаваць- Boniecki А. Poczet rodów w Wielkim Księstwie Litewskim w XV i XVI wieku. Warszawa: 1883.
- Wolff J. Senatorowie i dygnitarze Wielkiego Księstwa Litewskiego: 1385—1795. Kraków, 1885.
- Niesiecki K. Herbarz Polski, wyd. J.N. Bobrowicz, Lipsk 1839-1845.
- Aleksander Markiewicz, Gabriel Hornostaj//Polski Słownik Biograficzny, 1960—1961, t. IX, s. 626—627
- Вялікае княства Літоўскае: Энцыклапедыя. У 3 т. / рэд. Г. П. Пашкоў і інш. — Мн.: Беларуская Энцыклапедыя, 2005. — Т. 1: Абаленскі — Кадэнцыя. — 684 с. — ISBN 985-11-0314-4