Вікіпэдыя:Майстар артыкулаў/Значнасьць сайтаў
Калі тэма мае заўважнае асьвятленьне ў вартых даверу крыніцах, якія ў сваю чаргу незалежныя ад суб’екту тэмы, то хутчэй за ўсё тэма вартая для апісаньня ў Вікіпэдыі.
Толькі невялікая частка сеціўнага зьместу вартая асьвятленьня ў Вікіпэдыі. Пад сеціўным зьместам разумеюцца вэб-сайты, інтэрнэт-форумы, падкасты, вэб-коміксы, анлайн-часопісы, газэты і г. д.
Каб быць уключаным у Вікіпэдыю, пэўны праект мусіць адпавядаць прынамсі аднаму зь ніжэй пералічаных крытэраў значнасьці:
- праект быў тэмай некалькіх нетрывіяльных публікацыяў, крыніцы якіх самі па сабе незалежныя ад прапанавага праекту.
- Такімі публікацыямі ня лічацца:
- перадрукоўкі прэс-рэлізаў і рэклямных тэкстаў, датычных прапанаванага сайту;
- трывіяльнае асьвятленьне, напрыклад, артыкулы ў газэтах, якія проста прыводзяць інтэрнэт-адрасы, спасылкі ў каталёгах спасылак ці інтэрнэт-крамах.
- Такімі публікацыямі лічацца вартыя даверу публікацыі ў любой форме, такія як газэтныя і часопісныя артыкулы, кнігі, тэлевізійныя перадачы і г. д.
- Такімі публікацыямі ня лічацца:
- Вэб-сайт ці іншы праект атрымаў вядомую, паважаную і незалежную ўзнагароду.
Канфлікт інтарэсаў і рэкляма
Калі вы датычныя да сайту, пра які зьбіраецеся пісаць, то ўзьнікае канфлікт інтарэсаў, які будзе вялікай перашкодай у напісаньні добрага, нэўтральнага і аб’ектыўнага энцыкляпэдычнага артыкула. Будзе складана напісаць артыкул так, каб ён не выглядаў для іншых удзельнікаў як рэкляма. Адсутнасьць рэклямнага зьместу ў артыкулах Вікіпэдыі забясьпечваецца адным з слупоў, непахісных правілаў Вікіпэдыі. Таму, калі ваш прапанаваны артыкул выклікае канфлікт інтарэсаў, ці не адпавядае вышэй прыведзеным крытэрам значнасьці для вэб-сайтаў, вельмі верагодна, што ён будзе выдалены.
