Вышэйшыя навучальныя ўстановы Польшчы

Назвы навучальных установаў

Паводле польскага Закону аб вышэйшай адукацыі ад 27 ліпеня 2005 году, вышэйшыя навучальныя ўстановы Польшчы маюць права ўжываць у сваіх назвах наступныя выразы ў залежнасьці ад іхных паўнамоцтваў:

• унівэрсытэт — калі ўстанова мае права надаваньня ступені доктара навук у прынамсі 12 дысцыплінах, у тым ліку ня менш, чым у дзьвюх дысцыплінах у кожнай з наступных галінаў навук:
  • гуманітарных навуках;
  • грамадзкіх альбо тэалягічных навуках;
  • матэматычных навуках;
  • фізычных альбо тэхнічных навуках;
  • прыродазнаўчых навуках;
  • юрыдычных альбо эканамічных навуках;
• тэхнічны ўнівэрсытэт — калі ўстанова мае права надаваньня ступені доктара навук у прынамсі 12 дысцыплінах, у тым ліку 8 зь якіх належаць да тэхнічных навук;
• словазлучэньне унівэрсытэт з далучаным да яго прыметнікам, які вызначае ягоны профіль — калі ўстанова мае права надаваньня ступені доктара навук у прынамсі 6 дысцыплінах, у тым ліку найменей 4 зь якіх знаходзяцца ў межах профілю навучальнай установы;
• палітэхніка — калі ўстанова мае права надаваньня ступені доктара навук у прынамсі 6 дысцыплінах, у тым ліку найменей 4 зь якіх належаць да тэхнічных навук;
• акадэмія — калі ўстанова мае права надаваць ступень доктара навук у прынамсі 2 дысцыплінах.