Вольга Шутава

Вольга Паўлаўна Шу́тава (15 лютага 1944, в. Загародная, Камянецкі раён, Берасьцейская вобласьць — 26 лістапада 1999) — беларуская сьпявачка (альт). Заслужаная артыстка БССР (1973).

Вольга Шутава
Дата нараджэньня	15 лютага 1944(1944-02-15)
Месца нараджэньня	Камянецкі раён, Берасьцейская вобласьць, БССР, СССР
Дата сьмерці	26 лістапада 1999(1999-11-26) (55 гадоў)
Занятак	сьпявачка
Інструмэнты	голас[d]

Скончыла ў 1972 годзе Ўсерасейскую творчую майстэрню эстраднага мастацтва ў Маскве. Творчы шлях пачала ў мастацкай самадзейнасьці. У 1968—1996 гадах салістка Беларускай філярмоніі. Яе творчасьці ўласьцівы задушэўнасьць у перадачы эмацыйнага зьместу песень, у тым ліку народных. У рэпэртуары пераважалі творы беларускіх і расейскіх кампазытараў, беларускія народныя песьні.

Літаратура

• Беларуская энцыклапедыя: У 18 т. Т. 17: Хвінявічы — Шчытні / Рэдкал.: Г.П. Пашкоў і інш. — Менск: БелЭн, 2003. — 512 с.: іл. ISBN 985-11-0279-2 — С. Шутава Вольга Паўлаўна.