Бібліятэка ўнівэрсытэту Ўмеа

Бібліятэка ўнівэрсытэту Ўмеа — адна зь сямі бібліятэкаў у Швэцыі, якім па законе пастаўляецца адзін асобнік кожнай надрукаванай у Швэцыі кнігі (па-швэдзку: pliktbibliotek).

Гісторыя

Гісторыя гарадзкой бібліятэкі Ўмеа пачалася ў 1950 годзе. У 1951 годзе бібліятэка была прызнана важнай культурнай установай для паўночнай Швэцыі. Бібліятэка атрымлівае копію кожнай новай кнігі, надрукаванай у Швэцыі. Ейны фонд паступова пашыраецца для прадастаўленьня паслугаў у галіне дасьледаваньняў і для ўнівэрсытэцкай адукацыі. Яна была рэарґанізаваная ва ўнівэрсытэцкую бібліятэку пасьля заснаваньня ўнівэрсытэту Умеа ў 1965 годзе. Новы будынак галоўнай бібліятэкі ва ўнівэрсытэцкім гарадку быў адкрыты ў 1968 годзе. З тых часоў ён неаднаразова дабудоўваўся, апошні раз у 2006 годзе.

Існуюць дапаможныя бібліятэкі ва ўнівэрсытэцкай лякарні Норлянду, Кампусе мастацтваў і ў Эрншэльдсьвіку.

Вонкавыя спасылкі

• Унівэрсытэцкая бібліятэка Ўмеа (швэд.)