Байт (кампутар)
ПЭВМ «Байт» — 8-разрадны дамашні кампутар, клён кампутара ZX Spectrum. Выпускаўся з 1989—1990 року на Берасьцейскім электрамэханічным заводзе (БЭМЗ). З 1992—1993 року аб’ём вытворчасьці пайшоў на спад у сувязі з аб’ектыўнай эканамічнай сытуацыяй, зьвязанай з развалам СССР.
| Байт | |
_logo.jpg){kind=logo} | |
| Тып | хатні кампутар |
|---|---|
| Вытворца | БЭМЗ |
| Дата выхаду | 1989 |
| Сканчэньне падтрымкі | 1995 |
| Апэрацыйная сыстэма | Sinclair BASIC; CP/M («Байт-01» з КВУ); TR-DOS, iS-DOS, TASiS |
| Цэнтральны працэсар | КР1858ВМ1/Т34ВМ1 (Zilog Z80A) |
| Аб’ём памяці | 48 КБ («Байт»)/128 KB («Байт-01») RAM, 16 KB ROM |
Кампутар быў дапрацаваны ў параўнаньні з ZX Spectrum, меў альтэрнатыўную пэрыфэрыю айчыннае вытворчасьці і меў вялікую папулярнасьць, нягледзячы на шэраг недапрацовак. Прадаваўся на тэрыторыі СССР, пазьней у Беларусі, Расеі, Украіне.
Агульная колькасьць кампутараў, выпушчаных Берасьцейскім вытворчым аб’яднаньнем сродкаў вылічальнай тэхнікі (БВА СВТ), куды ўваходзіў БЭМЗ, невядомая.
Апісаньне
рэдагавацьХарактарыстыкі
рэдагавацьПрацэсар — савецкая мікрасхема КР1858ВМ1, аналяг Zilog Z80[1].
«Байт» меў 48 кілябайтаў апэратыўнае памяці і 2 пераключальных ROM па 16 Кб, адно зь іх — з кірылічным шрыфтам. Пераключэньне русіфікаванага і арыгінальнага ROM зьдзяйсьнялася націсканьнем кнопкі «Совмест» на тарцавой паверхні. «Байт» даваў магчымасьць пашыраць RAM да 128 КБ на зьнешнім кантролеры. Таксама была магчымая замена ROM BASIC-48 на BASIC-128.
Адрозьненьні ад ZX Spectrum
рэдагаваць- 3-хканальны музычны сынтэзатар (КР580ВИ53) у дадатак да стандартнага спэктрумаўскага дынаміку.
- Клявіятурны джойстык, які дубляваў клявішы зьнешняга джойстыка.
- Пашыраная клявіятура нагадвала клявіятуру IBM PC, мела нанесеную на клявішы кірыліцу.
- SECAM-кодэр для падлучэньня да ТВ-выхаду савецкіх тэлевізараў.
Мадыфікацыя «Байт-01»
рэдагаваць- дазваляў працаваць з кантролерам зьнешніх прыстрояў (КЗП, замест магнітафону ў «Байта»).
- Аб’ём RAM — 128 КБ.
- Скасаваны рэжым сумяшчальнасьці, кнопка «Совмест» замененая на «Откл. звука».
- Для працы ў CP/M зьявіўся новы графічны рэжым — 512*192 пунктаў у радку.
Раздымы
рэдагаваць- «ТБ» — да тэлевізару.
- «RGB» — да RGB-манітору.
- «МФ» — да касэтнага магнітафону.
- «Сыст» — да зьнешніх інтэрфэйсаў: кантролера зьнешніх прыстрояў, друкаркі, Beta Disk Interface.
- «Сілкаваньне».
- «Джойстык» — да зьнешняга джойстыка.
Зьнешнія носьбіты
рэдагаваць- У якасьці тыповага прыстрою для счытваньня і запісу праграмаў да раздыму «МФ» падключаўся касэтны магнітафон. Носьбітам інфармацыі служыла клясычная магнітафонная касэта тыпу МК 60, якая дазваляла захоўваць да 500 Кб інфармацыі. Працягласьць загрузкі праграмаў сярэдняга аб’ёму складала ў сярэднім 2-3 хвіліны.
- Для працы з НГМД і НЦМД выкарыстоўваліся наступныя штатныя магчымасьці.
- КЗП — заводзкая распрацоўка адмыслова для «Байту-01». Кантролер уяўляў сабой падабенства сучаснага Midi Tower-корпусу зь некалькімі НГМД і НЦМД і падключаўся цераз раздым «Сист» адмысловым адаптарам. КЗП дазваляў падлучаць НГМД, НЦМД, паралельны і пасьлядоўны парты, лякальную сетку. Быў прызначаны для працы ў АС CP/M.
- Пэрыфэрыя ZX Spectrum, якая падключалася цераз «родныя» зьнешнія інтэрфэйсы ZX Spectrum, такія як DISCiPLE, Beta Disk Interface, ZX Interface 1, ZX Interface 2. Пэрыфэрыя пад дадзенымі інтэрфэйсамі працавала альбо з дапамогаю стандартовых камандаў Sinclair BASIC, альбо пад кіраваньнем DOS-падобных сыстэмаў, напрыклад TR-DOS.
Крыніцы
рэдагаваць- ^ Сергей Баган. Схемотехника и комплектующие элементы компьютера «Байт» (рас.) Spectrum-совместимые компьютеры «Байт» и «Байт-01» Праверана 30 лістапада 2012 г.