Астрамірава Эвангельле
Астрамі́рава Эва́нгельле — адзін з найстарэйшых і найкаштоўнейшых рукапісных помнікаў стараславянскай пісьмовасьці сярэдзіны XI стагодзьдзя. Да выяўленьня ў 2001 року Ноўгарадзкага кодэксу лічылася найстарэйшаю кнігаю, створанаю на Русі. Зьмяшчае эвангельскія чытаньні для нядзелі і сьвятаў.
| |
| Астрамірава Эвангельле, 1056—1057 | |
| пэргамэнт, рукапіс. 24×20 см | |
 Расейская нацыянальная бібліятэка, Санкт-Пецярбург
|
Эвангельле перапісанае д’яканам Рыгорам са старабаўгарскага арыгіналу цягам 1056—1057 рокаў на замову ноўгарадзкага пасадніка Астраміра для Сафійскай саборнай царквы Вялікага Ноўгарада.
Рукапіс складаецца з 294 аркушаў пэргамэнту добрай якасьці. Тэкст напісаны ў дзьве калёнкі па 18 радкоў на паверхні каля 20 × 24 см. Упрыгожаны мноствам букавіцаў, мініятурамі эвангелістаў, іншымі ілюстрацыямі. Рукапіс быў упрыгожаны чымсьці з каштоўнымі камянямі.
На пачатку захоўваўся ў Сафійскай царкве, а пасьля перанесенае ў маскоўскі Крэмль. У 1720 року на загад Пятра I перанесены ў Санкт-Пецярбург.
Ад 1806 Астрамірава Эвангельле захоўваецца ў Расейскай нацыянальнай бібліятэцы. Уключанае ў рэестар «Памяць сьвету» ЮНЭСКО.
Вонкавыя спасылкі рэдагаваць
Астрамірава Эвангельле — сховішча мультымэдыйных матэрыялаў