Асман III

	Асман III
Асабістыя зьвесткі
Нарадзіўся	2 студзеня 1699, Эдырнэ, Асманская імпэрыя;
Памёр	30 кастрычніка 1757 (58 гадоў), Тапкапы[d];
Пахаваны	Стамбул; Новая мячэць[d];
Дынастыя	дынастыя Асманаў[d]
Бацька	Мустафа II[d]
Маці	Марыя Шэхсувар Султан[d]

Асма́н III (па-асманску: عثمان ثالث‎‎) — султан Асманскай імпэрыі, які кіраваў краінай з 1754 году па 1757 год.

Жыцьцяпіс

Нарадзіўся 2 студзеня 1699 ў Эдырнскім палацы ў сям’і султану Мустафы II. Паводле традыцыі жыў вязьнем у Канстантынопалі ў палацы Тапкапы пакуль ягоны бацька кіраваў краінай.

Пасьля сьмерці старэйшага брата Махмуда I набыў уладу. Жыцьцё фактычнага зьняволеньня дрэнна адбілася на інтэлекце і характары новага султана імпэрыі, то бок Асман быў дэспатычным кіраўніком і пакутаваў ад комплексу непаўнавартасьці. Ён ненавідзеў музыку і ўсё, што зь ёй было зьвязанае, таму выгнаў усіх музыкаў са свайго палацу. За тры гады панаваньня Асмана ў краіне зьмяніліся сем вялікіх візыраў. Султан быў нецярпімы да хрысьціянаў і габрэяў. Ім загадалі насіць адмысловыя пазнакі на вопратцы. Асман III памёр у 1757 годзе ад наступстваў інсульту. Пахаваны ў магіле каля султану Махмуда I.

Вонкавыя спасылкі

Асман III. The Ottomans. (анг.)