Ударны кратэр
(Перанакіравана з «Антрапаген»)
Уда́рны кра́тэр — паглыбленьне, якое зьявілася на паверхні касьмічнага цела ў выніку падзеньня іншага цела меншага памеру. Ударны кратэр на паверхні Зямлі называюць таксама астраблемай (ад старажытнагрэцкага: ἀστήρ — зорка і βλῆμα — рана, гэта значыць «зорная рана»). Тэрмін «астраблема» ўведзены ў 1960 годзе. Сама падзея (удар мэтэарыта) часам называецца імпактам або імпактнай падзеяй. На Зямлі выяўлена каля 150 буйных астраблем.
