Аналітык (мова праграмаваньня)
«Аналітык» (па-расейску: Аналитик) — мова праграмаваньня, распрацаваная ў 1968 годзе ў Інстытуце кібэрнэтыкі АН УССР пад кіраўніцтвам акадэміка Віктара Глушкова[1]. Зьяўляецца разьвіцьцём мовы АЛМИР-65, захаваўшы зь ёй сумяшчальнасьць. Адметнаю рысаю мовы зьяўляюцца абстрактныя тыпы зьвестак, вылічэньне ў альгебры, аналітычныя пераўтварэньні. Выкарыстоўваўся на машынах МИР-2. Пазьней была распрацавана вэрсія «Аналитик-74», рэалізаваная на машынах МИР-3.
| Аналітык | |
| Зьявілася ў: | 1968 г. |
|---|---|
| Аўтар(ы): | акадэмія навук СССР |
| Стабільная вэрсія: | Аналітык-74 |
На дадзены момант мова аналітык існуе ў выглядзе сыстэмы кампутарнай альгебры «Аналітык-2010», якая распрацоўваецца сумесна Інстытутам праблем матэматычных машын і сыстэм НАН Украіны і Палтаўскім нацыянальным тэхнічным унівэрсытэтам імя Юрыя Кандрацюка.