Аляксей Дунаеў

Аляксей Дунаеў (нар. 11 верасьня 2004 году) — беларускі футбаліст, паўабаронца магілёўскага «Дняпра» і моладзевай зборнай Беларусі.

Аляксей Дунаеў
Пэрсанальная інфармацыя
Нарадзіўся	11 верасьня 2004(2004-09-11) (20 гадоў) Данецк, Украіна
Пазыцыя	абаронца
Клюбная інфармацыя
Клюб	Дняпро Магілёў
Нумар	23
Клюбы
Гады	Клюб	Гульні (галы)¹
2021	Дняпро-Юні[d]	20 (1)
2022—4	Дняпро Магілёў	80 (0)
Зборныя
2022	Беларусь (да 19)[d]	3 (0)
2022—4	Беларусь (да 21)	3 (0)
¹ Колькасьць гульняў і галоў за прафэсійны клюб лічыцца толькі для нацыянальнай лігі, адкарэктавана на 8 лістапада 2024. ² Колькасьць гульняў і галоў за нацыянальную зборную ў афіцыйных матчах, адкарэктавана на 8 чэрвеня 2024.

Кар’ера

Клюбная

Выступаў за юнацкія каманды магілёўскага «Дняпра». У 2020 годзе пачаў прыцягвацца да трэнаваньняў першай каманды, тады ж склаў першы прафэсійны кантракт з клюбам. У 2021 годзе, пасьля выхаду «Дняпра» ў Першую лігу, пачаў выступаць у Другой лізе ў складзе рэзэрвовай каманды «Дняпро-Юні», дзе замацаваўся ў складзе. Да сэзону 2022 году пачаў рыхтавацца з асноўнай камандай «Дняпра», якая пазьней атрымала месца ў Найвышэйшай лізе. Дэбютаваў у Найвышэйшай лізе 20 сакавіка 2022 году ў матчы першага тура супраць бабруйскай «Белшыны» (0:0), адгуляўшы ўсе 90 хвілінаў сустрэчы. У далейшым працягваў рэгулярна зьяўляцца ў пачатковым складзе магілёўцаў.

Міжнародная

У верасьні 2022 году гуляў за зборную Беларусі (да 19 гадоў) у кваліфікацыйным раўндзе чэмпіянату Эўропы. 19 лістапада 2022 году дэбютаваў у зборнай Беларусі (да 21 году), адгуляўшы першы тайм таварыскага матча супраць зборнай Ірану (1:0).

Вонкавыя спасылкі

• Статыстыка «ПБ-Инфо» (рас.)
• Профіль (анг.) на Transfermarkt
• Профіль (анг.) на Soccerway