Альдэраан
Альдэра́ан (па-ангельску: Alderaan) — землепадобная плянэта ў выдуманым сусьвеце «Зорных войнаў». Была радзімай пэрсанажаў прынцэсы Леі, Бэйла Арганы і Тайка Сэлчу. Плянэта была зьнішчаная Зоркай сьмерці ў IV эпізодзе «Зорных войнаў».
| Альдэраан | |
| Плянэта «Зорных войнаў» | |
| Астраграфічныя зьвесткі | |
|---|---|
| Рэгіён | Цэнтральны сьвет(en) |
| Сэктар | Альдэраан |
| Сыстэма | Альдэраан |
| Колькасьць сонцаў | 1 |
| Колькасьць спадарожнікаў | 1 |
| Дыямэтар | 12500 км |
| Схіленьне восі | 23° |
| Працягласьць дня | 24 стандартныя гадзіны |
| Працягласьць году | 364 стандартныя дні |
| Адлегласьць ад ядра | <5000 сьветлавых гадоў |
| Фізычныя зьвесткі | |
| Паверхня | горы, моры, лясы, раўніны |
| Грамадзкасьць | |
| Насельніцтва | кілікі, людзі |
| Колькасьць | 1,97 млрд |
| Мова | Бэйсік |
| Населеныя пункты | Альдэра (сталіца), Крэвас |
| Прыналежнасьць | Галяктычная рэспубліка, Галяктычная імпэрыя, Паўстанцкі альянс |
Апісаньне
рэдагавацьІснуюць тры апісаньні Альдэраану:
- Апісаньне ў пашыраным сусьвеце:
- Лічыцца «брыльянтам» Цэнтральных сыстэмаў. На паверхні плянэты пераважалі зарасьнікі дзікіх лугоў і горныя хрыбты. Адзінымі вялізнымі вадаёмамі былі абмежаваныя ледавікамі палярныя моры, аднак па ўсёй плянэце сустракаліся тысячы прэснаводных і салёных азёраў з багатай флёрай і фаўнай. Альдэраан быў роднай плянэтай яшчэ некалькіх вядомых у галяктыцы жывёлаў, такіх як нэрфы ды транта. Месты будаваліся зь вялікай увагай да экалёгіі. Адно зь іх паўстала на сьценах каньёну і было амаль незаўважным зьверху. Іншыя месты паўсталі на сваях па ўзьбярэжжы або пад палярнымі льдамі. Сталіца, Альдэра, славутая сваім унівэрсытэтам, стаяла на высьпе пасярод кальдэры.
- У «Помсьце сытхаў»:
- Паверхня паказаная гарыстай і мала падобнай да апісаньня з пашыранага сусьвету; аднак у фільме прадстаўленая толькі адна з частак плянэты.
- У «Новай надзеі»:
- Альдэраан паказаны толькі з космасу і выглядае падобным да Зямлі, зь вялікай колькасьцю вады. Па зьнішчэньні плянэты Зоркай сьмерці ад яго застаецца толькі астэроідны пас.
Літаратура
рэдагаваць- A Guide to the Star Wars Universe 3rd Edition, by Bill Slavicsek, Del Rey Books
- The Essential guide to Planets and Moons (Star Wars), 1st edition, by Daniel Wallace, Scott Kolins. 1998. ISBN 0-345-42068-3