Адмаўленьне Галакосту

Адмаўле́ньне Галако́сту — антысэміцкая тэорыя змовы, якая лічыць нацысцкі генацыд жыдоў, інакш вядомы пад назвай Галакост, фальшыўкай ці перабольшаньнем. Адмаўленцы Галакосту ўважаюць, што:

• «Канчатковае рашэньне жыдоўскага пытаньня» мела на ўвазе толькі дэпартацыю жыдоў з тэрыторыяў Трэцяга райху, а ня іхняе вынішчэньне.
• Нацысцкія ўлады не выкарыстоўвалі лягеры сьмерці і газавыя камэры для масавага забойства жыдоў.
• Сапраўдная колькасьць забітых жыдоў значна меншая, чым шэсьць мільёнаў, якая лічыцца агульнапрынятай.
• Галакост — містыфікацыя, прыдуманая хаўрусьнікамі, жыдамі ці Савецкім Зьвязам.

Адмаўленьне Галакосту забароненае ў мностве эўрапейскіх краінаў, Ізраілі, Канадзе ды інш.