Агустын Касада
Агусты́н Каса́да (па-гішпанску: Agustín Casado; нар. 21 траўня 1996 году) — гішпанскі гандбаліст вугорскага клюбу «Вэспрэм» і нацыянальнай зборнай Гішпаніі. Выступае на пазыцыі гульнёвага гульца.
| Агустын Касада | ||
| Пэрсанальная інфармацыя | ||
|---|---|---|
| Нарадзіўся | 21 траўня 1996 (28 гадоў) | |
| Рост | 193 см[1] | |
| Клюбная інфармацыя | ||
| Клюб | Вэспрэм | |
| Нумар | 88 | |
| Клюбы | ||
| Гады | Клюб | |
| 2014—2015 2015—2018 2018—2020 2020—2022 2022—2023 2023— |
Уэска Пальма-дэль-Рыё Нава Натургаўс Ля-Рыёха Мэльзунген Вэспрэм |
|
| Зборныя | ||
| 2021— |  Гішпанія
|
|
Кар’ера
рэдагавацьДэбютаваў у клюбе «Ўэска», за які за пачатковы сэзон 2014—2015 гадоў закінуў 29 мячоў у 25 гульнях. У тым жа сэзоне дэбютаваў у эўрапейскіх турнірах, згуляўшы 22 лістапада 2014 году ў матчы супраць «Эскільстуны Гуіф». Пасьля далучыўся да каманды другога дывізіёну «Пальма-дэль-Рыё». У 2018 годзе накіраваўся ў іншы клюб другога дывізіёну «Нава». У новым клюбе адразу стаў чэмпіёнам другога дывізіёну, закінуўшы 161 мячоў у 30 матчах. Няблага вярнуўся ў найвышэйшы дывізіён, закінуўшы 80 мячоў у 19 гульнях, чым прыцягнуў увагу больш буйных клюбаў. У 2020 годзе далучыўся да «Лягроньнё», зь якім здабыў бронзавы мэдаль айчыннага першынства. У той сэзон закінуў ажно 166 мячоў у 34 матчах за каманду з правінцыі Ля-Рыёха. У наступны сэзон быў абраны найлепшым гульцом цэнтральным гульнёвым гішпанскай лігі[2].
Сэзон 2022—2023 гадоў мусіў пачаць у складзе беларускага клюбу БГК імя Мяшкова, які ў той час трэнаваў гішпанец Даніель Горда[3][4][5], аднак, у ліпені 2022 году гульца перахапіў нямецкі клюб «Мэльзунген», зь якім спартовец умовіўся на адзін год. У 2023 годзе далучыўся да вугорскага «Вэспрэма»[6].
Крыніцы
рэдагаваць- ^ а б https://asobal.es/jugadores/agustin-casado-marcelo/91260181/
- ^ «Presentamos el Equipo Ideal de la Liga Sacyr ASOBAL 2021/2022». ASOBAL.
- ^ «MT Melsungen komplettiert Kaderplanungen mit zwei Rückraumspielern». Handballworld.
- ^ «Агустин Касадо пополнит ряды БГК „Мешков Брест“». СпортНавины.
- ^ «Трансферный слух. Разыгрывающий „Логроньо“ Агустин Касадо, подписавший контракт с "Брестом", может оказаться в „Веспреме“». Быстрый центр.
- ^ «Zwei Olympiasieger, Europameister, EM-Zweiter: Telekom Veszprem präsentiert vier Neuzugänge für 2023». Handballworld.