Абій Агмэд Алі
Абій Агмэд Алі (анг. Abiy Ahmed Ali; нар. 15 красавіка 1976) — этыёпскі палітык, прэм’ер-міністар Этыёпіі (ад 2 красавіка 2018 году)[4]. Ляўрэат Нобэлеўскай прэміі міру (2019)[5]. У кастрычніку 2021 году Абій Ахмед афіцыйна прынёс прысягу на другі 5-гадовы тэрмін.
| Абій Агмэд Алі | |
| па-амхарску: አብይ አህመድ አሊ | |
 | |
| з 2 красавіка 2018 | |
| Папярэднік | Гайлемар’ям Дэсалень[d] |
| Прэзыдэнт: | Сахлэ-Ворк Зэвдэ |
| Асабістыя зьвесткі | |
| Нарадзіўся: |
15 жніўня 1976[1][2] (48 гадоў) |
| Партыя: | |
| Сужэнец: | Zinash Tayachew[d] |
| Адукацыя: | |
| Узнагароды: | |
Біяграфія
рэдагавацьНарадзіўся ў горадзе Бэшаша (па-ангельску: Beshasha, паўднёвы захад Этыёпіі), насельніцтва якога складала менш за 6000 чалавек. У 17 км ад Бэшаша разьмешчаны горад Агаро, ад якога да Адыс-Абэбы 497 кілямэтраў. У той час вёска належала тэрыторыі Джыма, зараз адносіцца да рэгіёну Арамія[6]. Бацька Агмэд Алі (іншае імя Аба Дабэс, Аба Фіта) быў мусульманінам. Маці Тэцэта Волдэ прыняла праваслаўнае хрысьціянства і была чацьвёртай жонкай свайго мужа. Агулам ў іх нарадзілася шасьцёра дзяцей[7]. У дзяцінстве яго клікалі Абіёт (па-ангельску: Abiyot), што ў перакладзе азначае «рэвалюцыя». Пасьля рэвалюцыі 1974 году ў Этыёпіі гэтае імя часта давалі дзецям. «Абій» — скарочана ад «Абіёт»[8]. Сям’я, у якой ён нарадзіўся, была вядомай і вялікай. Абій быў трынаццатым дзіцёнкам у свайго бацькі. Першыя шэсьць клясаў Абій скончыў у пачатковай школе ў сваім родным горадзе. Паводле словаў бацькі, Абій з захапленьнем вывучаў Каран. Потым Абій вучыўся ў школе ў горадзе Агара[9]. Яшчэ падлеткам далучыўся да палітычнага жыцьця. У 15 гадоў пайшоў служыць у войска[10]. Паводле афіцыйнай біяграфіі, Абій далучыўся да Дэмакратычнай арганізацыі народу Арама і Этыёпскага народнага рэвалюцыйнага дэмакратычнага фронту у 1991 годзе[11]. У 1995 годзе служыў міратворцам ААН у Рўандзе[12]. У 2001 годзе скончыў навучаньне па спэцыяльнасьці «кампутарная інжынэрыя» ў інфармацыйна-тэхнічным каледжы ў Адыс-Абэбе[13]. у 2005 годзе атрымаў пасьлядыплёмную адукацыю ў галіне крыпталёгіі ў Прэторыі (Паўднёвая Афрыка)[14] у інстытуце дасьледаваньня міру і бясьпекі Ўнівэрсытэту Адыс-Абэбы[15].
14 кастрычніка 2006 году ў горадзе Бэшаша, у якім Абій нарадзіўся, адбылася трагедыя — рэлігійныя фанатыкі зарэзалі шасьцярых хрысьціян[16]. Абій у той час выконваў абавязкі генэральнага дырэктара Агенцыі па бясьпецы інфармацыйных сетак (па-ангельску: Information Network Security Agency). Ён распрацаваў плян прымірэньня паміж мусульманамі і хрысьціянамі. Удзел у гэтай апэрацыі натхніў яго на напісаньне дысэртацыі на атрыманьне ступені доктара філязофіі (Ph.D.) на тэму «Сацыяльны капітал і ягоная роля ў вырашэньні рэлігійных канфліктаў у Этыёпіі: выпадак міжрэлігійнага канфлікту ў тэрыторыі Джыма»[6].
Крыніцы
рэдагаваць- ^ а б Abiy Ahmed // Энцыкляпэдыя Бракгаўза (ням.)
- ^ а б Abiy Ahmed // Munzinger Personen (ням.)
- ^ а б https://www.thereporterethiopia.com/article/rise-abiy-abiyot-ahmed
- ^ Ben Cahoon. Ethiopia (анг.) World Statesmen.org.
- ^ Нобэлеўскую прэмію міру атрымаў прэм'ер-міністар Этыёпіі. Радыё Свабода (11 кастрычніка 2019).
- ^ а б Dawit Endeshaw (31 сакавіка 2018) The rise of Abiy “Abiyot” Ahmed (анг.). The Reporter Ethiopia English.
- ^ The PM (анг.). FDRE Office of the Prime Ministers. Праверана 15 кастрычніка 2019 г.
- ^ Abebe Gellaw (1 красавіка 2018) Dr. Abiy Ahmed’s diversity portfolio (анг.). Satenaw: Ethiopian News.
- ^ Mark T. Aga (18 ліпеня 2018) Dr Abiy Ahmed: a biography (анг.). Eritrea Hub.
- ^ Abiy Ahmed: Ethiopia's first Oromo PM spreads hope of reform (анг.). France 24 (30 ліпеня 2018).
- ^ Nizmar Manek (4 красавіка 2018) Can Abiy Ahmed Save Ethiopia? (анг.). Foreign Policy.
- ^ Ethiopia's Abiy Ahmed: The leader promising to heal a nation (анг.). BBC News (3 студзеня 2019).
- ^ Абий Ахмед (рас.) Праверана 15 кастрычніка 2019 г.
- ^ Walta Media and Communication Corporate S.C.. Walta Media and Communication Corporate S.c.
- ^ IPSS Student named to Ethiopia’s Cabinet (анг.). Institute for Peace and Security Studies (12 кастрычніка 2015). Архіўная копія ад 9 чэрвеня 2016 г.
- ^ Maria Mackay (1 сьнежня 2006) Muslim Mob Kills Six Christians In Ethiopia (анг.). Christian News on Christian Today.
