Інстытут беларусаведы імя Лява Сапегі

Інстытут беларусаведы імя Лява Сапегі — навукова-культурная арганізацыя беларускай эміграцыі ў Гішпаніі. Дзейнічаў у 1952—1960 гадах пры Цэнтры абмену эўрапейскай культуры ў Мадрыдзе. Старшыня — прынц Тодар Ляскарыс Камнэна, арганізацыйную працу вёў У. Рыжы-Рыскі. Асноўныя кірункі дзейнасьці: разьвіцьцё і пашырэньне навуковых дасьледаваньняў па гісторыі і сучаснасьці беларускай дзяржавы, прапаганда ведаў пра Беларусь сярод народаў Гішпаніі і Заходняй Эўропы. Для працы запрашаліся беларускія навукоўцы, якія друкавалі вынікі сваіх распрацовак у гішпанскім часопісе «Oriente» («Усход»).