Імпульс

І́мпульс — фізычная вэктарная велічыня, якая колькасна характарызуе:

• узьдзеяньне сілы на цела (матэрыяльны пункт) на працягу пэўнага прамежку часу (імпульс сілы)
• рух цела як функцыю ад яго масы і хуткасьці (імпульс або колькасьць руху цела)

Імпульс
${\vec {p}}=m{\vec {v}}$
Вымернасьць	${\mathsf {M}}{\mathsf {L}}{\mathsf {T}}^{-1}$
Адзінкі вымярэньня
СІ	кг·м/с
СГС	г·см/с
Заўвагі
вэктарная велічыня

Сувязь імпульсаў цела і сілы вынікае з другога закону Ньютана:

$\mathbf {F} =m\mathbf {a} =m{\frac {d\mathbf {v} }{dt}}$

$\mathbf {F} dt=md\mathbf {v}$

$\mathbf {dP_{F}} =\mathbf {dp}$

Праінтэграваўшы па часе на пэўным ягоным прамежку, атрымаем:

$\mathbf {P} _{F}=\Delta \mathbf {p}$

Такім чынам, зьмена імпульса цела за пэўны прамежак часу роўная імпульсу сілы, што дзейнічае за яго, за гэты прамежак часу. Таксама, імпульс цела колькасна роўны такому імпульсу сілы, які патрэбны для таго, каб прыдаць такі ж імпульс целу з нулявым імпульсам.

Калі на матэрыяльны пункт дзейнічаюць некалькі сілаў, то зьмена ягонага імпульсу роўная да імпульса раўнадзейнай гэтых сіл.