Ігар Бахматаў

Ігар Бахматаў
	Ігар Бахматаў
Занятак	вайсковец
Месца працы	Камітэт дзяржаўнай бясьпекі Рэспублікі Беларусь; АНБ РБ; Беларускі дзяржаўны тэхналягічны ўнівэрсытэт;

Ігар Андрэевіч Бахматаў — беларускі вайсковец рэжыму Лукашэнкі. Намесьнік старшыні Камітэту дзяржаўнай бясьпекі Рэспублікі Беларусь у 2010—2012 гадох.

Біяграфія

2 ліпеня 2003 году прызначаны начальнікам управы зьнешняй разьведкі Камітэту дзяржаўнай бясьпекі Рэспублікі Беларусь^[1].

З 20 студзеня 2005 году па 10 ліпеня 2008 году працаваў начальнікам управы КДБ па Берасьцейскае вобласьці.

З 10 ліпеня 2008 году па 22 студзеня 2010 году зьяўляўся начальнікам Інстытуту нацыянальнай бясьпекі Рэспублікі Беларусь.

22 студзеня 2010 году прызначаны намесьнікам старшыні Камітэту дзяржаўнай бясьпекі Рэспублікі Беларусь па кадравым забесьпячэньні й арганізацыйнай працы^[2].

3 траўня 2012 году вызвалены ад пасады намесьніка старшыні Камітэту дзяржаўнай бясьпекі Рэспублікі Беларусь па кадравым забесьпячэньні й арганізацыйнай працы й звольнены з вайсковай службы ў запас па ўзросьце^[3].

З 2018 году зьяўляецца прарэктарам па адміністрацыйна-гаспадарчай працы Беларускага дзяржаўнага тэхналягічнага ўнівэрсытэта.

Санкцыі ЭЗ

У 2011 годзе, пасьля правядзеньня прэзыдэнцкіх выбараў у Беларусі 2010 году, якія Эўрапейскім Зьвязам былі прызнаныя недэмакратычнымі, а таксама пасьля сілавога разгону акцыі пратэсту ў Менску 19 сьнежня 2010 году, быў уключаны ў Чорны сьпіс Эўразьвязу^[4]^[5]. У 2012 годзе Рада Эўрапейскага зьвязу(be) прызнала Бахматава адказным за рэпрэсіўную працу КДБ супраць грамадзянскай супольнасьці й дэмакратычнай апазыцыі(be)^[6].

Крыніцы

[1] Указ Президента Республики Беларусь от 2 июля 2003 года № 280 «О назначении И. А. Бахматова начальником управления внешней разведки Комитета государственной безопасности Республики Беларусь»

[2] Лукашенко произвел кадровые назначения в КГБ и Управделами президента

[3] Указ Президента Республики Беларусь от 3 мая 2012 года № 215 «Об освобождении от должности И. А. Бахматова» // Национальный реестр правовых актов Республики Беларусь, 2012 г., № 52, 1/13482-1/13485

[4] Опубликован черный список невъездных в ЕС белорусов (дополнено) Праверана 2020-06-22 г.

[5] COUNCIL IMPLEMENTING REGULATION (EU) No 84/2011 of 31 January 2011 amending Regulation (EC) No 765/2006 concerning restrictive measures against President Lukashenko and certain officials of Belarus

[6] COUNCIL DECISION 2012/642/CFSP of 15 October 2012 concerning restrictive measures against Belarus

[1]

[2]

[3]

[4]

[5]

[6]