Your Sinclair

«Your Sinclair» (па-беларуску: Ваш Сынклэр; скарочана YS) — ангельскае друкаванае выданьне ў фармаце часопісу, прысьвечанае кампутару ZX Spectrum.

Your Sinclair
Тэматыка	ZX Spectrum
Пэрыядычнасьць	штомесячнік
Краіна	Вялікабрытанія
Выдавец	Dennis Publishing Future Publishing
Галоўны рэдактар	Роджэр Манфард (1984-85) Кэвін Кокс (1985-87) Тэрэза Моган (1987-89) Мэт Белбі (1989-91) Эндзі Айд (красавік — лістапад 1991) Эндзі Гатчынсан (1991-92) Лінда Баркер (1992-93) Джонатан Нэш (травень — верасень 1993)
Дата заснаваньня	студзень 1984
Мова	ангельская
ISSN	0269-6983
Афіцыйны сайт	www.ysrnry.co.uk

Першы выпуск часопісу пабачыў сьвет у студзені 1984 пад назваю «Your Spectrum». Першапачаткова часопіс выдаваўся адзін раз на два месяцы, з чэрвеня 1984 — штомесяц. У студзені 1986 зьмяніў назву на «Your Sinclair», бо тэматыка стала тычыцца таксама плятформы Sinclair QL. Да верасьня 1993 року выйшлі 93 нумары. Часопіс быў зачынены з прычыны сканчэньня камэрцыйнага жыцьця кампутара ZX Spectrum.

З кастрычніка 1991 да лютага 1992 у часопісе быў апублікаваны сьпіс 100 найлепшых гульняў усіх часоў для ZX Spectrum. У 93-м нумары таксама быў апублікаваны сьпіс 100 найлепшых гульняў усіх часоў па выніках галасаваньня чытачоў. У 2004 року выйшаў 94-ы выпуск часопісу, які распаўсюджваўся як бясплатны дадатак да часопісу «Retro Gamer». У гэтым нумары быў апублікаваны сьпіс 50 найлепшых гульняў усіх часоў для ZX Spectrum.

Глядзіце таксама

• CRASH

Вонкавыя спасылкі

• Неафіцыйная бачына з матэрыяламі часопісу (анг.)
• Архіў сканаў часопісу(недаступная спасылка) (анг.) на World of Spectrum
• Неафіцыйны архіў «Your Spectrum» (анг.)
• Your Sinclair: A Celebration (анг.)