Тыгр
Тыгр (тыгра; па-лацінску: Panthera tigris) — жывёла зь сямейства каціных.
| Тыгр | |
 Каралеўскі тыгр | |
| Клясыфікацыя | |
|---|---|
| Царства | Жывёлы |
| Тып | Хордавыя |
| Кляса | Сысуны |
| Падкляса | Зьвяры |
| Інфракляса | Пляцэнтарныя |
| Надатрад | Ляўразыятэрыі |
| Атрад | Драпежныя |
| Падатрад | Коткападобныя |
| Сямейства | Каціныя |
| Падсямейства | Pantherinae |
| Род | Panthera |
| Від | Тыгр |
| Даччыныя таксоны | |
| |
| Бінамінальная намэнклятура | |
| Panthera tigris (Linnaeus, 1758) | |
| Арэал | |
| |
Тыгр займае ганаровае месца сярод буйных драпежнікаў. Двума асноўнымі і самымі буйнымі падвідамі тыгра зьяўляюцца індыйскі (бэнгальскі) і амурскі (сыбірскі) — маса самцоў складае 180—275 кг, але ў асобных выпадках маса можа перавышаць 300 кг. Даўжыня цела тыгра без хваста ў залежнасьці ад падвіда вагаецца ад 1,4 да 2,8 м, хваста ад 60 да 110 см. Вышыня ў карку да 1,15 м. Звычайны дарослы самец у прыродзе важыць у сярэднім 200—240 кг (бэнгальскі каля 220 кг, амурскі каля 225 кг, бэнгальскі ў паўночнай Індыі і Нэпале каля 240 кг) пры даўжыні цела 2,9—3 м разам з хвастом і ў карку 95—102 см. Маса самак складае 100—180 кг, у асобных выпадках да 200 кг. Сярэдняя — 130—150 кг пры даўжыні цела карацей чым у самца на 30—45 см.
Тыгр — від выключна азіяцкі. Яшчэ некалькі стагодзьдзяў назад вобласьць яго расьсяленьня дасягала Казахстану і Паўночнага Ірану. Цяпер на большай частцы ранейшага арэалу тыгры знішчаныя; найбольшыя папуляцыі захаваліся ў Індыі і Індакітаі. Невялікая папуляцыя тыграў у Расейскай Фэдэрацыі ёсьць на Далёкім Усходзе, у Прыморскім краі.
Тыгры засяляюць розныя месцапражываньні, уключаючы мангравыя балоты і бамбукавыя гушчары ў тропіках, густыя лясы ў больш прахалодных абласьцях, голыя камяністыя сопкі і тайгу на поўначы.
Здабычай тыгру служаць капытныя (дзікі, алені, казулі) і шматлікія іншыя жывёлы, уключаючы малпаў, чарапах, неядавітых змей, рыбу, крабаў, жаб і казурак.
Калі не лічыць шлюбнага сезону і пэрыяду догляду маці за патомствам, тыгры вядуць адзіночны спосаб жыцьця. За ўсё сваё жыцьцё самка прыносіць 10—20 тыгранятаў, зь якіх выжывае меншая частка. Пражыць тыгр можа да 26 гадоў.
Падвіды рэдагаваць
Адрозніваюць дзевяць падвідаў тыграў, тры зь якіх ужо вымерлі:
- Сыбірскі тыгр, Амурскі альбо Усурыйскі тыгр (Panthera tigris altaica)
- Паўднёвакітайскі тыгр (Panthera tigris amoyensis)
- Балійскі тыгр (Panthera tigris balica)
- Індакітайскі тыгр (Panthera tigris corbetti)
- Малайскі тыгр (Panthera tigris jacksoni)
- Суматрыйскі тыгр (Panthera tigris sumatrae)
- Яванскі тыгр (Panthera tigris sondaica)
- Бенгальскі тыгр, Індыйскі тыгр альбо Каралеўскі тыгр (Panthera tigris tigris)
- Каспійскі тыгр, Персідскі тыгр, Туранскі тыгр (Panthera tigris virgata)
Вонкавыя спасылкі рэдагаваць
Тыгр — сховішча мультымэдыйных матэрыялаў
- Тигры.ru — усё аб тыграх, фатаграфіі тыграў, шпалеры і шматлікае іншае.
- Тигромания. RU — новы сайт пра тыграў
- Goodrich, J., Lynam, A., Miquelle, D., Wibisono, H., Kawanishi, K., Pattanavibool, A., Htun, S., Tempa, T., Karki, J., Jhala, Y. & Karanth, U. 2015. Panthera tigris. The IUCN (анг.)
- Dacres, K. 2007. "Panthera tigris" (On-line), Animal Diversity Web (анг.)
- Panthera tigris | ARKive (анг.)
- Ronald M. Nowak Walker's carnivores of the world (анг.) — JHU Press, 2005. — С. 261. — ISBN 0801880327