Opel Blitz

Opel Blitz (па-нямецку: Blitz — маланка) — нямецкі грузавы аўтамабіль, раньнія мадэлі якога актыўна выкарыстоўваліся вэрмахтам у Другой сусьветнай вайне.

Існавала некалькі пакаленьняў, якія моцна адрозьніваліся дызайнам і канструкцыяю:

1930—1954 гг.
1952—1960 гг.
1960—1965 гг.
1965—1975 гг.

На тэрыторыі СССР вядомыя практычна толькі аўтамабілі першага пакаленьня ў мадэрнізаваным варыянце (пасьля 1937 году), з прычыны шырокага выкарыстаньня іх у вэрмахце, у тым ліку і на Ўсходнім фронце, і наяўнасьці ў свой час значных колькасьцяў трафэйных асобнікаў; пазьнейшыя мадэлі ж у СССР ніколі не пастаўляліся.

Гісторыя

Вытворчасьць гэтых аўтамабіляў была распачата ў красавіку 1937 году й працягвалася да 1944. Магчыма, гэты грузавік стаў самым выпусканым у Нямеччыне. За гады вытворчасьці прамысловасьцю Трэцяга райху было выраблена 82356 грузавікоў гэтае маркі. Opel Blitz выпускаўся ў двух варыянтах:

Opel Blitz 3.6-36
Opel Blitz 3.6-36S (індэкс «S» — азначае стандартнае заднепрывадное шасі)

Ужываньне

Opel Blitz шырока ўжываўся вэрмахтам, бо нямецкае войска рабіла стаўку менавіта на колавую тэхніку. На забесьпячэньне толькі пяхотнае дывізіі патрабавалася каля 500 такіх машынаў, а матарызаваныя і лёгкія дывізіі мелі патрэбу ў 1600—1800 аўтамабілях. На базе гэтага аўтамабіля былю створаны адмысловыя аўтамабілі: машына мэдыцынскае службы, машына службы сувязі і іншыя.

Зборачны канвеер Opel Blitz у Брандэнбурге, 1936

ТТХ

Краіна-вытворца: Нямеччына
Пачатак вытворчасьці: 1937 год
Канец вытворчасьці: 1944 год
Усяго выраблена: 82356 адзінкаў
Маса: 5,8 т
Грузападымальнасьць: 3 т
Экіпаж: 1 чалавек
Вышыня: 2025 м
Шырыня: 2265 м
Даўжыня: 6105 м
Рухавік: Opel
Магутнасьць: 75 л.з.
Тып рухавіка: Бэнзінавы,4х тактны,6 цыліндравы,V-вобразны
Тып КПП : Мэханічная, 5 ступеністая
Хуткасьць па шашы: 90 км/г
Запас ходу па шашы: 320 км
Па бездаражы: 230 км

Opel Blitz — сховішча мультымэдыйных матэрыялаў

Варыянты машынаў на базе Opel Blitz

Падчас вайны на базе Opel Blitz была створана вялікая колькасьць адмысловых шасі, сярод які варта вылучыць шматфункцыянальныя фургоны, палівазапраўшчыкі, аўтобусы і інжынэрную тэхніку

Адмысловыя фургоны

Kfz. 305/1 аўтамабіль тэлеграфнае сувязі
Kfz. 305/2 аўтамабіль тэлеграфнае сувязі
Kfz. 305/3 аўтамабіль тэлетайпнае сувязі
Kfz. 305/9 аўтамабіль тэлетайпнае сувязі
Kfz. 305/10 з узмоцненаю тэлефоннаю лініяю
Kfz. 305/11 аўтамабіль праверкі тэлефоннае лініі
Kfz. 305/15 мабільны радыёперадавальнік
Kfz. 305/16 аўтамабіль радыёсувязі
Kfz. 305/20 аўтамабіль радыёсувязі
Kfz. 305/21 аўтамабіль радыёлакацыі
Kfz. 305/22 аўтамабіль радыёпэленгацыі
Kfz. 305/23 мабільны радыёпрымач
Kfz. 305/25 радыёмачта
Kfz. 305/26 радыёзонд
Kfz. 305/27 радыёзонд
Kfz. 305/29 ліхтар і маркеры кірунку
Kfz. 305/33 ліхтар і маркеры кірунку
Kfz. 305/39 камандны пункт
Kfz. 305/41 каліброўка прыладаў
Kfz. 305/42 тэставаньне радыёсувязі
Kfz. 305/43 барацьба зь перашкодамі
Kfz. 305/44 барацьба зь перашкодамі
Kfz. 305/60 тэставаньне бартавых прыбораў
Kfz. 305/62 кансэрвацыя плёнёра
Kfz. 305/63 кансэрвацыя плёнёра
Kfz. 305/64 кансэрвацыя рухавіка
Kfz. 305/65 мэтэаралёгія
Kfz. 305/66 мэтэаралёгія
Kfz. 305/67 рамонт рухавіка
Kfz. 305/68 рамонт рухавіка
Kfz. 305/69 выпрабаваньне рулявога кіраваньня
Kfz. 305/70 склад парашутаў
Kfz. 305/73 камандзірская машына
Kfz. 305/74 бюро
Kfz. 305/75 распранальня
Kfz. 305/76 амбулаторыя
Kfz. 305/77 буфэт
Kfz. 305/78 кухня з электраплітою
Kfz. 305/80 кансэрвацыя ўзбраеньня
Kfz. 305/83 рамонт аэрадромных машынаў
Kfz. 305/84 склад запасных часткаў
Kfz. 305/85 праверка ціску алівы
Kfz. 305/86 зубалячэбны кабінэт
Kfz. 305/87 зубалячэбны кабінэт
Kfz. 305/88 рэнтгенаўскі кабінэт
Kfz. 305/89 рэнтгенаўскі кабінэт
Kfz. 305/90 фоталябараторыя
Kfz. 305/91 фоталябараторыя
Kfz. 305/93 пункт ачысткі вады
Kfz. 305/95 пункт ачысткі вады
Kfz. 305/96 пункт зьмякчэньня вады
Kfz. 305/98 абслугоўваньне і кансэрвацыя кісьляроднага абсталаваньня
Kfz. 305/99 кансэрвацыя кіслроднага абсталяваньня
Kfz. 305/100 радыёлакацыйная навігацыя
Kfz. 305/101 радыёлакацыйная наавігацыя
Kfz. 305/105 майстэрня, мантажная, зварачная
Kfz. 305/106 майстэрня, сьлясарня, гідраўлічная
Kfz. 305/107 мэханічная майстэрня
Kfz. 305/108 электрамайстэрня
Kfz. 305/109 мэханічная майстэрня
Kfz. 305/111 мэханічная майстэрня
Kfz. 305/112 мантажная майстэрня
Kfz. 305/113 мантажная майстэрня
Kfz. 305/115 сталярна-плотніцкая майстэрня
Kfz. 305/117 кавальская майстэрня
Kfz. 305/118 аўтамэханічная майстэрня
Kfz. 305/120 аўтобус для перавозкі працоўных
Kfz. 305/122 машына абясшкоджваньня і дэактывацыі
Kfz. 305/123 машына абясшкоджваньня і дэактывацыі
Kfz. 305/124 паветраны кампрэсар
Kfz. 305/125 машына абслугоўваньня самалётаў
Kfz. 305/126 пускач
Kfz. 305/128 пажарная помпа
Kfz. 305/130 майстэрня па абслугоўваньні ракетнага ўзбраеньня
Kfz. 305/131 майстэрня па абслугоўваньні авіяцыйнага ўзбраеньня
Kfz. 305/135 майстэрня па абслугоўваньні мэханічнае тэхнікі
Kfz. 305/136 майстэрня па абслугоўваньні рухавікоў
Kfz. 305/137 майстэрня па абслугоўваньні плянёраў самалётаў

Opel Blitz у гульнях

Грузавік Opel Blitz фігуруе ў шматлікіх кампутарных гульнях:

Гульня Іл-2: Штурмавік — Opel Blitz фігуруе як асноўны грузавы транспартны сродак войска. Тут скарыстаны 4 варыянты гэтае машыны: грузавы аўтамабіль, авіяцыйны палівазапраўшчык (мадэль 3.6-36) і аўтамабілі мэдыцынскае службы і службы сувязі (мадэль 3.6-36S).

Сэрыя гульняў У тыле ворагу 2 — аўтамабіль мае ролю асноўнага грузавіка забесьпячэньня войска. У гульні маюцца такія мадыфікацыі як Opel Blitz для перавозкі людзей, Opel Blitz забесьпячэньні, Opel Blitz інжынэрны, Opel Blitz мэдыцынскі, Opel Blitz запраўшчык.

Гульня Sniper Elite — Opel Blitz фігуруе ў гульні як перасоўны сродак НСАР.

Сэрыя гульняў Call of duty — Opel Blitz зьяўляецца асноўным грузавіком нямецкага войска.

Гульня Medal of Honor: Allied assault — грузавік мае ролю асноўнага нямецкага грузавіка, а ў некалькіх місіях гулец нават езьдзіць на ім.

Гульня Resident Evil 4 — старыя ржавыя Opel Blitz зьяўляюцца ў гульні тры разу: першы раз у сюжэтным роліку, другі раз як транспарт Ганадо ў вёсцы, а трэці раз Opel Blitz пераўтвораны ў гантрак зьяўляецца на высьпе, дзе яго выкарыстоўваюць заражаны марпехі.

Вонкавыя спасылкі

Пра аўтамабіль