Nightfall in Middle-Earth

Nightfall in Middle-Earth (з анг. — «Змрок у Міжзем’і») — канцэпт-альбом нямецкага гурту «Blind Guardian», выдадзены ў 1998, шосты студыйны альбом гурту.

Nightfall in Middle-Earth
Альбом Blind Guardian
Выдадзены	27 красавіка 1998
Запісаны	верасень 1997 — сакавік 1998 Twilight Hall Studios Karo Studios Sweet Silence Studios Vox Studios Air-Edel Studios
Жанр	паўэр-мэтал сьпід-мэтал прагрэсіў-мэтал
Працягласьць	65:29
Выдавец	Virgin / Century Media
Прадусар	Флемінг Расмусэн / Blind Guardian
Храналёгія Blind Guardian
Imaginations from the Other Side (1995)	Nightfall in Middle-Earth (1998)	A Night at the Opera (2002)

Альбом створаны на аснове Дж. Р. Р. Толкінавага «Сыльмарыліёну», кнігі гісторыяў пра Першую эпоху Міжзем’я, і падрабязна распавядае пра Вайну Самацьветаў. У альбом уваходзяць ня толькі сьпевы, але й лірычныя ўстаўкі з гісторыі. На вокладцы выяўленая Люціень у танцы перад Марготам.

Сьпіс кампазыцыяў

Уся музыка напісаная Андрэ Ольбрыхам і Гансі Кюршам, калі не пазначана іншае. Тэксты напісаныя Кюршам.

№	Назва	Працягласьць
1.	«War of Wrath»	1:50
2.	«Into the Storm»	4:24
3.	«Lammoth»	0:28
4.	«Nightfall»	5:34
5.	«The Minstrel»	0:32
6.	«The Curse of Fëanor» (Ольбрых, Кюрш, Thomas «Thomen» Stauch і Marcus Siepen)	5:41
7.	«Captured»	0:26
8.	«Blood Tears»	5:24
9.	«Mirror Mirror»	5:06
10.	«Face the Truth»	0:24
11.	«Noldor (Dead Winter Reigns)»	6:51
12.	«Battle of Sudden Flame»	0:44
13.	«Time Stands Still (At the Iron Hill)»	4:53
14.	«The Dark Elf»	0:23
15.	«Thorn»	6:19
16.	«The Eldar» (Ольбрых, Кюрш, Міхаэль Шурэн)	3:39
17.	«Nom the Wise»	0:33
18.	«When Sorrow Sang»	4:25
19.	«Out on the Water»	0:44
20.	«The Steadfast»	0:21
21.	«A Dark Passage»	6:01
22.	«Final Chapter (Thus Ends…)»	0:48

Бонус-трэкі японскага выданьня
№	Назва	Працягласьць
23.	«Nightfall» (аркестравая вэрсія)	5:38
24.	«A Dark Passage» (інструмэнтальная вэрсія)	6:06

Бонус-трэкі перавыданьня 2007 року
№	Назва	Працягласьць
25.	«Harvest of Sorrow» (Зыпэн, Кюрш і Штаўх)	3:39

Склад

Blind Guardian

• Гансі Кюрш — сьпеў, прадусар
• Андрэ Ольбрых — гітара, прадусар
• Маркус Зыпэн — гітара, прадусар
• Томас «Томэн» Штаўх — ударныя & пэркусія, прадусар

Запрошаныя музыкі

• Олівэр Гольцварт — бас-гітара
• Матыяс Вайзнэр — клявішныя
• Міхаэль Шурэн — раяль
• Макс Цэльцнэр — флейта
• Норман Эшлі, Дуглас Фільдынг — тэкст
• Білі Кінг, Рольф Кёлер, Оляф Зэнкбайль, Томас Гакман — хор

Вытворчасьць

• Blind Guardian — прадусаваньне
• Флемінг Расмусэн — мікшаваньне
• Чарлі Баўэрфайнд — мікшаваньне інтэрлюдыяў
• Флемінг Расмусэн, Чарлі Баўэрфайнд і Піт Зыльк — інжынэры мікшаваньня
• Чарлі Баўэрфайнд — запіс і зьвядзеньне ўдарных, пэркусіі, вакалу, бас-гітараў, фартэпіяна й інтэрлюдыяў
• Піт Зыльк — запіс і зьвядзеньне гітараў, клявішных і аркестравых эфэктаў
• Флемінг Расмусэн — запіс і зьвядзеньне сьпеваў
• Куні — запіс і зьвядзеньне флейтаў і сьпеваў
• Андрэас Маршал — вокладка і малюнкі
• Торнстэн Айхгорст — фота

Тэматычныя адсылкі

Альбом пераказвае падзеі «Сыльмарыліёну», пачынаючы з эпізоду ў канцы:

1. У «War of Wrath» Саўрон раіць свайму гаспадару Марготу ратавацца ад трыюмфуючых у Вайне гнева валар. Маргот адпускае яго і разважае над падзеі, што прывялі да ягонай паразы.
2. У «Into the Storm» Маргот і Унгаліянт, уцякаючы з Валінору пасьля зьнішчэньня двух Дрэваў, б’юцца за валоданьне сыльмарылямі.
3. «Lammoth» — лямант Маргота, калі ён б’ецца з Унгаліянтам.
4. У «Nightfall» Фэанор з сям’ю сынамі аплакваюць учыненыя Марготам разбурэньні, у тым ліку гібель Фэнаровага бацькі Фінвэ, і клянуцца адпомсьціць за яго, назло няўхваленьню валар.
5. «The Minstrel» — падобна, пра Маглора, Фэаноравага сына, які склаў песьню «Падзеньне нольдар», заснаваную на Родабойстве.
6. У «The Curse of Fëanor» Фэанор выказвае сноў гнеў і злосьць і апісвае ўчыненыя ім падчас перасьледу Маргота ліхадзействы, асабліва Родабойства.
7. У «Captured» Маргот зьвяртаецца да палоннага Маэдраса, Фэаноравага сына, і прыкоўвае яго ланцугамі да гары Тангарадрым.
8. У «Blood Tears» Маэдрас апісвае жахі ягонага зьняволеньня і вызваленьня by Фінганам.
9. «Mirror Mirror» апавядае, як Турган у чаканьні немінучай паразы з дапамогай Ульма («Уладара вады») засноўвае места Гондалін.
10. У «Face the Truth» Фінгальфін разважае над лёсам нольдар.
11. У «Noldor (Dead Winter Reigns)» Фінгальфін апісвае пераход войска нольдар зь ледзяных пустак Гэлькараксэ і прароцтва Мандаса пра лёс нольдар; ён разважае над сваёй віной і правінай усяго народа і прадказвае поўную паразу.
12. «The Battle of Sudden Flame» спасылаецца на бітву, у якой Маргот з дапамогай балрагаў і цмокаў прарывае аблогу Ангбанду. Гучыць тэкст пра тое, як Барахір з роду Бэара зь вялікімі стратамі ў сваім войску ўратаваў жыцьцё эльфійскага караля Фінрада Фэлягунда, за што Фінрад клянецца ў вечнай дружбе з Барахірам і ўсім ягоным родам.
13. «Time Stands Still (At the Iron Hill)» пра паездку Фінгальфіна да брамы Ангбанду і выклік Маргота на дуэль. Фінгальфін некалькі разоў раніць Маргота, аднак тым ня меней гіне.
14. «The Dark Elf» — гэта Эаль, які спакусіў Тургонаву сястру і стаў бацькам Мэгліна, які ў выніку здрадзіць Гондалін.
15. У «Thorn» Мэглін апісвае сваё становішча і выражае здрадзіць Гондалін Марготу.
16. «The Eldar» — разьвітаньне караля эльфаў Фінрада Фэлягунда са сваім народам, бо ён памірае ад ранаў, атрыманых пры выратаваньні свайго чалавечага сябра Бэрэна ад ваўкалака, выканаўшы сваю клятву адданасьці роду Бэара.
17. У «Nom the Wise» Бэрэн тужыць па сваім сябры Фінрадзе. Nóm, што азначае «мудры», гэта мянушка, дадзеная Фінраду Бэрэнавым продкам Бэарам.
18. У «When Sorrow Sang» Бэрэн пяе пра сваё каханьне да эльфійскай прынцэсы Люціень і сваю сьмерць у іклах Марготавага ваўка Карчарота.
19. «Out on the Water» апісвае апошняе месца жыхарства Бэрэна і Люціень.
20. У «The Steadfast» Маргот праклінае свайго палоньніка Гурына, які стойка супрацьстаіць спробам выведаць сакрэт Гондаліну.
21. У «A Dark Passage» Маргот ацэньвае свой трыюмф у пятай бітве. У песьні таксама прадстаўленае паходжаньне людзкога роду і пракляцьце Марготам Гурына, які стане сьведкам трагічнага лёсу сыноў.
22. «Final Chapter (Thus ends …)» — заключная частка альбому, якая апісвае перамогу Маргота дзякуючы «здрадзе людзей», аде й дае надзею на новы дзень.
23. «Harvest of Sorrow» — бонус-трэк на абноўленай вэрсіі альбому. Турын смуткуе з-за сьмерці сваёй сястры Ніэнор.

Вонкавыя спасылкі

• Тэксты песьняў  (анг.)