Guano Apes

	Guano Apes
Гады	1994—2005, 2009-зараз
Краіна	Нямеччына;
Месца ўтварэньня	Нямеччына
Мова	ангельская
Жанр	альтэрнатыўны рок, ню-мэтал
Выдавец	GUN/Supersonic Records
Зьвязаныя праекты	Tamoto; IO
Удзельнікі	Дэніс Пошвата; Генінг Румэнап; Сандра Насіч; Штэфан Удэ
	www.guanoapes.org

Guano Apes — альтэрнатыўны гурт, заснаваны ў Гётынгене ў 1994 годзе.

Гісторыя

1994—2006

Гурт Guano Apes быў заснаваны ў 1994 у Гётынгенe, Нямеччына, гітарыстам Генінгам Румэнапам, басыстам Штэфанам Удэ і бубначом Дэнісам Пошватам. Вакалістка Сандра Насіч далучылася да гурту пазьней у тым жа годзе. Першае прызнаньне каманада атрымала ў 1996 годзе пасьля перамогі ў спаборніцтве мясцовых гуртоў зь іх песьняй «Open Your Eyes». Песьня сталася першым і самым пасьпяховым самотнікам, пасьля якога ў 1997 годзе выйшаў дэбютны альбом Proud Like a God. «Open Your Eyes» таксама зьяўляецца ў фільме «Пяцьдзясят» (1999).

У 2000 Guano Apes выдалі другі паўнавартасны альбом Don't Give Me Names. Самотнікі «Big in Japan» (кавэр Alphaville) і «No Speech» атрымалі вялікую ратацыю і альбом стаўся залатым у Нямеччыне. Walking on a Thin Line выйшаў у 2003. Пасьля выхаду складанкі найлепшых песень Planet of the Apes і фінальнага туру ў лютым 2005 гурт спыніў сваю дзейнасьць.

Пасьля 2005

Пасьля распаду гурта была выдадзеная складанка дэма-запісаў Lost (T)apes.

Дэніс Пошвата працягнуў працу ў сваім новым гурце, Tamoto, дзе ён грае на гітары (і бубнах на альбому) і сьпявае разам з Маркусам Гамбалам. Штэфан Удэ таксама ўдзельнічаў у запісе дэбютнага альбома гэтага гурта. Сандра Насіч выдала ў 2007 годзе свой сольны альбом The Signal.

У 2006 годзе Румэнап, Удэ і Пошвата стварылі новы гурт пад назвай IO разам з амэрыканскім сьпеваком Чарльзам Сімансам. У 2008 годзе гурт выдаў дэбютны альбом For the Masses.

У 2009 годзе гурт Guano Apes сабраўся зноў. 19 траўня 2015 года адбыўся выступ у Менску.

Удзельнікі

Сандра Насіч: сьпеў
Генінг Румэнап: гітара
Штэфан Удэ: бас-гітара
Дэніс Пошвата: бубны, дадатковы сьпеў

Дыскаграфія

Альбомы

Самотнікі

«Open Your Eyes» (1997)
«Rain» (1998)
«Lords of the Boards» (1998)
«Don’t You Turn Your Back on Me» (1999)
«Big in Japan» (2000)
«No Speech» (2000)
«Living in a Lie» (2000)
«Dödel Up» (2001)
«Kumba Yo!» (як Guano Babes разам з Майклам Мітмаерам) (2001)
«You Can’t Stop Me» (2003)
«Pretty in Scarlet» (2003)
«Quietly» (2003)
«Break the Line» (2004)

Іншыя выданьні

Guano T-Apes (VHS) (1998)
Don’t Give Me Names (VHS & DVD) (2000)
Live (DVD) (2003)
Guano Apes Single Collection (2003)
Planet Of The Apes / The Documentary (DVD) (2005)

Узнагароды

Comet за Proud Like A God
ECHO за Proud Like A God і Don’t Give Me Names
MTV Music Award (2001)
Eins Live Krone за найлепшы гурт і вакалістку.