Du riechst so gut

	«Du riechst so gut»
Самотнік Rammstein; з альбому Herzeleid
Выдадзены	24 жніўня 1995
Жанры	Neue Deutsche Härte; Індастрыял-мэтал;
Лэйбл	Motor Music
Фармат	CD
Працягласьць	14:14
Прадусар	Якаб Гэльнар; Carl-Michael Herlöffson;
Мова	нямецкая
Месца запісу	Polar Studio (Стакгольм, Швэцыя; 1995)
Храналёгія самотнікаў Rammstein

Пра самотнік Rammstein 1998 году глядзіце артыкул Du riechst so gut ’98.

«Du riechst so gut»^[a] (зь ням. — «Ты пахнеш так добра») — першы самотнік нямецкага Neue-Deutsche-Härte-гурта Rammstein на іхным дэбютным альбоме Herzeleid.

Рэліз самотніка адбыўся 24 жніўня 1995 году. Песьня апісвае ўнутраныя думкі драпежніка, які палюе на сваю ахвяру. Назва сынглу была навеяна «Парфумай» Патрыка Зюскінда, любімым раманам саліста гурта Тыля Ліндэмана.

Самотнік быў перавыпушчаны ў 1998 годзе пад назвай «Du riechst so gut ’98» разам з новым відэакліпам.

Мова песьні — нямецкая. Музыка й словы да яе — Тыль Ліндэман, Рыхард Круспэ, Паўль Ляндэрс, Олівэр Рыдэль, Крыстоф Шнайдэр, Крысьціян Лёрэнц.

Варыянты выданьня

Du riechst so gut (Standard Retail)

Стандартнае выданьне самотніка.

Du riechst so gut (Limitiertes Duftdigipack)

Лімітаванае выданьне сынгла ў духмяным дыджыпаку.

Riech! box (Very Limited Promo)

Бокс-сэт уключае ў сябе вышэйпаказаны духмяны дыджыпак і парфуму Calvin Klein Obsession.

Выдаваўся з паметкай «[FOR PROMOTION ONLY]» і ўключаў у сябе спэцыяльную вэрсію песьні «Du RIECHST so gut» і дэма «Das alte Leid», пад назвай «Hallo Hallo».

Відэакліп

Першы відэакліп для «Du riechst so gut» выйшаў у 1995 годзе і ўяўляў сабой выкананьне кампазыцыі Тылем Ліндэманам на белым фоне, зь зьменлівым плянам на чальцоў гурта, дабермана й кветку гербера, які таксама намаляваны на вокладцы музычнага альбома Herzeleid.

Акрамя гэтага ў кліпе прысутнічалі акуляры, вядомыя як «Schlitzbrille», якія пазьней зьяўляюцца ў відэакліпе «Ohne dich».

Сьпіс кампазыцыяў

Сьпіс кампазыцыяў на самотніку^[1]:

Трэкліст «Du riechst so gut»
№	Назва
1.	«Du riechst so gut» (Single Version)	4:50
2.	«Du riechst so gut» (Frecce Tricolor Remix)	4:57
3.	«Wollt ihr das Bett in Flammen sehen?» ([Album Version] Ці хочаце вы ўбачыць ложак ў агне?)	5:19

Заўвагі

^ Нямецкае вымаўленьне: ду ріхьст зо ґут, МФА: [d ˈ u ː r ˈ i ː k s t z ˈ o ː ɡ ˈ u ː t].

Крыніцы

^ History. 28 Aug 1995. Du Riechst So Gut [Single] (анг.). Rammstein. Праверана 1 сьнежня 2024 г.

Вонкавыя спасылкі

Відэакліп на афіцыйным канале гурта на YouTube (ням.)
Тэкст песьні на rammsteinworld.com (анг.). Rammstein World.

[1] Нямецкае вымаўленьне: ду ріхьст зо ґут, МФА: [d ˈ u ː r ˈ i ː k s t z ˈ o ː ɡ ˈ u ː t].

[2] History. 28 Aug 1995. Du Riechst So Gut [Single] (анг.). Rammstein. Праверана 1 сьнежня 2024 г.

[a]

[1]