BibleQuote
«BibleQuote» (па-расейску: Цитата из Библии, па-беларуску: Цытата зь Бібліі) — бясплатная праграма для працы зь біблійнымі тэкстамі[1][2]. Працуе ў АС Windows і Linux (праз Wine).
| BibleQuote бел. «Цытата зь Бібліі» | |
| Распрацоўка | Цімафей Ха |
|---|---|
| Напісаны на | Delphi |
| АС | |
| Ліцэнзія | GNU GPL v. 2.0 |
| Афіцыйная старонка | http://bqt.ru/ |
Інтэрфэйс «Цытаты зь Бібліі» перакладзены на чатыры мовы: ангельскую, нямецкую, расейскую і ўкраінскую.
Магчымасьці рэдагаваць
Праграма палягчае працу зь біблійнымі тэкстамі пасродкам падлучэньня разнастайнага слоўніка-даведачнага матэрыялу, камэнтароў і тлумачэньняў. «Цытата зь Бібліі» дазваляе выкарыстоўваць адначасна некалькі дзясяткаў перакладаў Бібліі на розных мовах (для параўнаньня і вывучэньня).
Праграма зьмяшчае тэксты на грэцкай мове (Новы Запавет) і іўрыце (Стары Запавет), а таксама дапаможную літаратуру (даведнікі, энцыкляпэдыі, слоўнікі, тлумачэньні, хрысьціянскую багаслоўскую літаратуру, мастацкія кнігі і да т. п.). У стандартны дыстрыбутыў уключаныя Лексыконы Стронга, слоўнікі Брокгауза, Віхлянцава і тэматычны слоўнік NIV/Zondervan. Дыстрыбутыў таксама зьмяшчае камэнтары з Новай Жэнэўскай Бібліі і камэнтары Ўільяма Барклі да Новага Запавету, базу паралельных месцаў (скрыжаваных спасылок), заснаваную на Treasury of Scripture Knowledge.
Праграма мае таксама ўнутраны рэдактар тэкстаў, які дазваляе пакідаць уласныя нататкі.
Стварэньне модуляў рэдагаваць
Зьмест праграмы можа быць грунтоўна дапоўнены пры дапамозе адмысловых модуляў-кніг, якія распрацоўваюць тыя, хто знаёмы з элемэнтарнымі прынцыпамі вэб-рэдагаваньня (без неабходнасьці адмысловых ведаў). Модуль уяўляе сабой пакет HTML-файлаў, якія адпавядаюць патрабаваньням да фарматаваньня модуля BQT, і звычайны тэкставы файл апісаньня модуля.
Стваральнікамі модуляў могуць быць усе ахвотныя. Дзеля гэтай мэты была адмыслова напісаная праграма генэраваньня модуляў[3].
Выкарыстаньне рэдагаваць
Праграма «Цытата зь Бібліі» ўжываецца ў працэсе выкладаньня Сьвятога Пісаньня ў шэрагу духоўных навучальных установаў. Так, яна ўваходзіць у сьпіс праграмнага забесьпячэньня, рэкамэндаванага катэдрай біблеістыкі Маскоўскай праваслаўнай духоўнай акадэміі[4].
Крыніцы рэдагаваць
- ^ «Слово Божие for Windows»(недаступная спасылка) — Обзор Библейского программного обеспечения в «Компьютерре» № 38 от 24 октября 2003 года («Цитата» названа лидером обзора)
- ^ Наталья Литвиненко. Электронная Библия «Мой компьютер», № 4 (279) 26.01.2004
- ^ Цитата из Библии: вспомогательный софт
- ^ Сссылки на сайты в интернете, посвященные библеистике. Библейский софт
Вонкавыя спасылкі рэдагаваць
- Афіцыйная бачына (рас.)
- Бачына арыгінальнага распрацоўніка (рас.)
- Крынічны код на code.google.com
- Модулі беларускіх перакладаў Бібліі